малітва

На вуліцах Гродна разам маліліся за краіну прадстаўнікі розных канфесій

16 жніўня ў гістарычным цэнтры Гродна разам сабраліся на малітве духавенства і вернікі хрысціянскіх Цэркваў: праваслаўныя, католікі, уніяты, пратэстанты, прадстаўнікі евангельскай і іўдзейскай рэлігійных супольнасцяў.

Новая малітоўная група з’явілася ў Тракелях

15 студзеня афіцыйна паўстала новая малітоўная група “Маці ў малітве” пры парафіi Адведзінаў Найсвяцейшай Панны Марыі ў Тракелях (Радунскі дэканат).

Папа Францішак удзеліць анлайн надзвычайнае благаслаўленне Urbi et orbi з магчымасцю атрымаць поўны адпуст

У пятніцу 27 сакавіка а 18-й гадзіне (у 20.00 па мінскім часе) Папа Францішак узначаліць у двары ватыканскай базылікі святога Пятра асаблівае набажэнства аб выбаўленні ад каранавірусу.

Прадстаўнікі розных канфесій разам маліліся ў Гродне аб адзінстве хрысціянаў

22 студзеня ў катэдральным касцёле св. Францішка Ксаверыя ў Гродне ў межах Тыдня малітваў аб адзінстве хрысціянаў адбылося экуменічнае набажэнства з удзелам прадстаўнікоў розных хрысціянскіх канфесій горада над Нёманам. У малітве, якую ўзначаліў біскуп Гродзенскі Аляксандр Кашкевіч, удзельнічалі прадстаўнікі Рыма-Каталіцкага Касцёла, Грэка-Каталіцкай i Праваслаўнай Цэркваў, Евангелічна-лютэранскай супольнасці, Царквы поўнага Евангелля “Жывое Слова”. Праваслаўную Царкву прадставіў настаяцель храма св. Лукі ў Гродне протаіерэй Аляксандр Хомбак, Грэка-Каталіцкую Царкву – настаяцель парафіі Маці Божай Фацімскай у Гродне а. Андрэй Крот, Евангелічна-лютэранскyю супольнасць у Гродне – Уладзімір Лобач, Царквy поўнага Евангелля “Жывое Слова” – пастар Дзмітрый Малюкевіч. На пачатку набажэнства біскуп Кашкевіч заклікаў вернікаў да супольнай малітвы, каб “панавала еднасць паміж усімі вучнямі Хрыста”. Іерарх нагадаў, што ўсе хрысціяне належаць да адзінай сям’і Божых дзяцей, якія імкнуцца да збаўлення. У ходзе набажэнства з кароткімі прамовамі да ўдзельнікаў звярнуліся прысутныя прадстаўнікі канфесій. Біскуп Аляксандр Кашкевіч прыгадаў, што тэмай сёлетняга Тыдня малітваў аб адзінстве хрысціянаў з’яўляюцца словы з Евангелля паводле Мацвея: “Мы бачылі зорку Ягоную на ўсходзе і прыйшлі пакланіцца Яму” (Mц 2, 2). Гэтыя словы прамаўляюць мудрацы з Усходу, якія прыбываюць, каб аддаць паклон Езусу Хрысту, нованароджанаму Каралю і Збаўцы свету. “Мудрацы – язычнікі, не належаць да выбранага народу і не з’яўляюцца адрасатамі старазапаветнага аб’яўлення. Аднак гэта людзі вельмі чулыя да дабра, праўды і прыгажосці. Усе свае інтэлектуальныя і духоўныя намаганні яны прысвяцілі пазнаванню таямніц свету і чалавечага жыцця, адкрыццю сэнсу існавання, здабыццю сапраўднай і вечнай мудрасці”, – адзначыў біскуп. Іерарх дадаў, што з Божага плану збаўлення ніхто не выключаны – “Сын Божы прыходзіць у гэты свет як Збаўца ўсяго чалавецтва”. “Мудрацы, якіх вядзе святло зоркі, прыбываюць у Бэтлеем, аддаюць паклон нованароджанаму Езусу і прыносяць Яму свае дары. Якое ж гэта прыгожае відовішча, калі людзі, якія належаць да розных культур, рас, народаў і моваў, яднаюцца ў аддаванні пашаны Сыну Божаму. A pазнастайнасць дароў, якiя яны прыносяць, можна патлумачыць як вобраз разнастайнасці спосабаў бачання і разумення Езуса Хрыста рознымі хрысціянскімі традыцыямі”, – звярнуў увагу біскуп Гродзенскі. Па яго словах, у кожнай з гэтых традыцый Хрыстус найважнейшы, у кожнай Яго вобраз праўдзівы і прыгожы, ніводная не можа “прысвоіць” сабе Хрыста, адмаўляючы іншым у праве Яго праслаўлення і абвяшчэння Яго навукі. “Калі мы, хрысціяне, адкрываем у пашане да Езуса нашы сэрцы, калі аддаем Яму хвалу так, як нас вучыць уласная традыцыя і культура, гэтая разнастайнасць паміж намі яшчэ больш нас узаемна ўзбагачае, яшчэ больш дапамагае нам зразумець, які невычэрпны скарб праўды і дабра хрысціянская вера”, – сказаў іерарх. Ён дадаў, што сёння мы “дзякуем за дар нашай веры, за тое, што кожны з нас спаткаў у сваім жыцці Хрыста, за тое, што Яго Евангелле – святло на нашым шляху”, “што ў нашых сэрцах не згасае жаданне аддаваць хвалу Езусу: праз малітву супольную і індывідуальную, праз літургію, служэнне ў духу любові нашым бліжнім”. “Будзем прасіць Пана, каб мы, будучы Яго вернымі і руплівымі вызнаўцамі, станавіліся для іншых людзей святлом, якое вядзе да Хрыста. Будзем шчыра шкадаваць і ў пакоры сэрца перапрашаць Пана за тое, што падзелы паміж намі, хрысціянамі, азмрочваюць ззянне гэтага святла”, – заахвоціў біскуп. Па яго словах, “мы хочам учыніць усё, што ў нашай моцы, каб святло нашага сведчання пра Хрыста было як мага больш ясным, каб дапамагала іншым – так, як мудрацам з Усходу – знайсці дарогу да Сына Божага”. Прэс-служба Гродзенскай дыяцэзіі Фота: Вольга Сяліцкая  

Пробашч іўеўскай парафіі павіншаваў мясцовых мусульман з адным з найважнейшых святаў

31 ліпеня татары Іўя адзначалі Курбан-байрам, адно са сваіх найважнейшых святаў. 

Прыватную пілігрымку ў Тракелі арганізавалі сёстры законныя з Гродна

Tры сястры законныя з Гродна – адна шантатка і дзве ядвіжанкі – арганізавалі прыватную велапілігрымку ў дыяцэзіяльны санктуарый Маці Божай Каралевы нашых сем’яў у Тракелях.

Прэзбітэрскае пасвячэнне ў гродзенскай катэдры: шукайце не ўласнай карысці, а Божай славы

27 чэрвеня біскуп Гродзенскі Аляксандр Кашкевіч удзяліў прэзбітэрскае пасвячэнне чатыром дыяканам, трое з якіх з’яўляюцца выпускнікамі Вышэйшай духоўнай семінарыі ў Гродне, а адзін – выпускніком Вышэйшай духоўнай семінарыі рэдэмптарыстаў у Тухаве (Польшча).

Пяць гадоў няма з намі кс. Яна Занеўскага, пробашча з Квасоўкі

Роўна 5 гадоў таму – 6 чэрвеня 2015 года – адышоў па вечную ўзнагароду да Пана кс. Ян Занеўскі, пробашч парафіі Беззаганнага Зачацця Найсвяцейшай Панны Марыі ў Квасоўцы. Ён пражыў на гэтым свеце амаль 50 гадоў, з якіх напалову – у Хрыстовым святарстве.

Рэкалекцыі для дзяўчат і жанчын прайшлі ў кармэлітак у Гудагаі

24-26 студзеня ў кляштар сясцёр кармэлiтак Дзiцяткі Езуса ў Гудагаі (Астравецкі дэканат) з розных мясцiн Беларусі прыехалi 17 дзяўчат i жанчын, каб разам затрымацца ў цiшыні, праз малiтву, Эўхарыстыю, адарацыю, асабiсты ліст да Бога, увайсцi ў глыбiню Божага запрашэння: “Калi хочаш...”

Рэкалекцыі перад прэзбітэрскім пасвячэннем праходзяць у Гродне

21 чэрвеня ў Вышэйшай духоўнай семінарыі ў Гродне пачаліся рэкалекцыі перад прэзбітэрскім пасвячэннем. У іх удзельнічаюць трое дыяканаў, выпускнікі нашай семінарыі, якія прымуць пасвячэнне.

Салезіяне Смаргоні адзначылі ўрачыстасць Марыі Успамогі Хрысціянаў

24 мая салезіяне Смаргоні адзначыла ўрачыстасць Марыі Успамогі Хрысціянаў. Менавіта Марыю Успамогу хрысціянаў выбраў святы ксёндз Боско галоўнай апякункай усіх галін Салезіянскай сям’і: ксяндзоў салезіянаў, сясцёр законных – дачок Марыі Успамогі, салезіянаў-супрацоўнікаў, членаў асацыяцыі ADMA.

Святары-аднакурснікі памаліліся за памерлага ў Казахстане кс. прэлата Вацлава Паплаўскага ў гродзенскай катэдры

24 сакавіка ў катэдральным касцёле св. Францішка Ксаверыя ў Гродне адбылася святая Імша ў інтэнцыі кс. прэлата Вацлава Паплаўскага.

Супольнасць семінарыі ў Гродне павіншавала эканома з днём нябеснага заступніка

Як літургічны каляндар змяшчае ў сабе сукупнасць розных падзеяў, якія Касцёл узгадвае на працягу года, так і жыццё чалавека напоўнена незвычайнымі перажываннямі і акалічнасцямі, якія назаўсёды застаюцца ў памяці і сэрцы.

Сярэбраны юбілей святарства адзначыў кс. канонік Юзаф Ганьчыц

17 чэрвеня пробашч лідскай парафіі Святой Сям’і кс. канонік Юзаф Ганьчыц адзначыў 25-годдзе прэзбітэрскага пасвячэння.

Сярэбраны юбілей святарства адзначыў у гродзенскай катэдры біскуп Юзаф Станеўскі

17 чэрвеня дапаможны біскуп Гродзенскай дыяцэзіі Юзаф Станеўскі адзначыў 25-годдзе прэзбітэрскага пасвячэння.

У гадавіну сакры біскуп Гродзенскі наведаў санктуарый у Росі

23 мая, у 29-ю гадавіну біскупскай сакры, біскуп Гродзенскі Аляксандр Кашкевіч наведаў дыяцэзіяльны санктуарый Пана Езуса Журботнага ў Росі (Ваўкавыскі дэканат).

У гродзенскай семінарыі перад распачаццем навучальнага года памаліліся за яе заснавальніка арцыбіскупа Тадэвуша Кандрусевіча

2 верасня студэнты вярнуліся пасля летняга адпачынку ў сцены Вышэйшай духоўнай семінарыі ў Гродне, каб распачаць новы навучальны год. Для семінарыі гэта ўжо 31-ы навучальны год.

У Гродне памаліліся за кс. прэлата Юзафа Трубовіча ў 30-ы дзень пасля яго смерці

27 ліпеня ў парафіяльным касцёле Беззаганнага Зачацця Найсвяцейшай Панны Марыі ў Гродне (Паўднёвы) адбылася святая Імша ў інтэнцыі кс. прэлата Юзафа Трубовіча ў 30-ы дзень пасля яго смерці.

У Дзень памяці загінулых матацыклістаў байкеры сабраліся на супольную малітву ў Ашмянах

18 верасня, калі адзначаецца Сусветны дзень памяці загінулых матацыклістаў, у Ашмянах байкеры сабраліся на супольную малітву.

У Зарачанцы падчас парафіяльнай урачыстасці аднавілі сужэнскія абяцанні

8 верасня парафія Нараджэння Найсвяцейшай Панны Марыі ў Зарачанцы (Баля Касцёльная) адзначыла адпустовую ўрачыстасць.

У Канвелішках развіталіся са спачылым кс. канонікам Taдэвушам Качанам

22 чэрвеня пры касцёле Найсвяцейшага Сэрца Пана Езуса ў Канвелішках (Радунскі дэканат) адбылося пахаванне кс. каноніка Тадэвуша Качана. Святар у 2004-2018 гг. быў пробашчам гэтай парафіі.

У Лідзе пробашч аб’ехаў парафію, благаславіўшы яе абразом св. Барбары

11 мая ў касцёл св. Юзафа Каласанса ў парафіі Унебаўзяцця Найсвяцейшай Панны Марыі ў Лідзе (м-н Індустрыяльны) па просьбе пробашча парафіі а. Аляксандра Махнача SP прыбыў абраз святой Барбары.

У Старых Васілішках памаліліся за кс. Паўла Барысевіча ў 30-ы дзень пасля яго смерці

18 сакавіка ў парафіяльным касцёле святых апосталаў Пятра і Паўла ў Старых Васілішках (Шчучынскі дэканат) адбылася святая Імша ў інтэнцыі кс. Паўла Барысевіча ў 30-ы дзень пасля яго смерці.

У Шчучыне выпускнікі перад алтаром прасілі аб благаслаўленні на далейшы жыццёвы шлях

10 чэрвеня ў парафіі св. Тэрэзы Авільскай у Шчучыне адбылася Імша для выпускнікоў.

Урачыстасць адбылася ў Цвермах – “месцы, дзе спыняецца час”

1 чэрвеня, ва ўспамін Найсвяцейшай Панны Марыі, Маці Касцёла, каля прыдарожнай капліцы ў вёсцы Цвермы (Лідскі дэканат) па добрай традыцыі адбылася ўрачыстая святая Імша.

© 2006-2019 GRODNENSIS.BY  Creating and programming by Jan_Dax,  design by Alexey Sauhin.