sapka

Адрас: г. Гродна, вул. К. Маркса, 4 (офіс); вул. Дзяржынскага, 91 (сацыяльны і аптэчны пункт)

Час працы: офіс 9.00—17.00 (пн - пт); сац. пункт 9.00—12.00 (аўт, ср, чц); апт. пунтк 14.30—17.00 (аўт, ср, чц). Нядзеля і касцёльныя святы - выхадныя 

Тэлефон: (8 0152) 75-34-12

Факс: (8 0152) 75-34-11

E-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

 

Дабрачынная арганізацыя “Карытас” існуе ў Гродзенскай дыяцэзіі з 1990 года. На працягу 4-ох гадоў яна працавала ў межах парафій: размяркоўвала сярод патрабуючых гуманітарныя грузы, якія паступалі ад ахвярадаўцаў з Аўстрыі, Даніі, Германіі, Ірландыі, Польшчы і ЗША. У сакавіку 1994 года “Карытас” атрымаў афіцыйную рэгістрацыю Дыяцэзіяльнай грамадскай дабрачыннай арганізацыі.

У 1994 годзе адкрыты офіс "Карытас", сацыяльны цэнтр па размеркаванні гуманітарнай дапамогі і сацыяльны аптэчны пункт, дзе патрабуючыя маюць магчымасць бясплатна атрымаць перавязачны матэрыял, неабходныя медыкаменты.

karitas 1

З 1996 года "Карытас" разам з сёстрамі назарэтанкамі арганізавалі сталовую для малазабяспечаных грамадзян. У 1997 годзе створана зона адпачынку для дзяцей пад Лідай у в. Нецеч. Пачынаючы з 1992 года "Карытас" арганізоўвае паездкі дзяцей на аздараўленчы адпачынак у Аўстрыю і Польшчу. З 1998 года ў некаторых парафіях дыяцэзіі таварыствам рэалізуецца праект “Канікулы з Богам”, дзякуючы якому дзеці маюць магчымасць адпачываць і развівацца духоўна.

karitas 2

У 1999 годзе арганізацыя "Карытас" Гродзенскай дыяцэзіі прайшла перарэгістрацыю і атрымала статус дабрачыннага каталіцкага таварыства, якое дзейнічае на тэрыторыі Гродзенскай вобласці.

Першым дырэктарам “Карытас” быў кс. Анатоль Маркоўскі. Пазней на пасадзе яго змяніў кс. Антоній Дзям'янка. Затым абавязкі дырэктараў арганізацыі выконвалі кс. Рычард Якубец, кс. Антоній Абухоўскі, кс. Віталій Дабраловіч. З 2016 года “Карытас” узначальвае кс. д-р Раман Рачко.

З першых дзён сваёй дзейнасці разам з матэрыяльнай дапамогай "Карытас" аказвае і духоўную падтрымку. Вядзе праз сацыяльную кансультацыю прыём грамадзян, арганізуе адукацыйныя экскурсіі для дзяцей і моладзі, падтрымлівае людзей у цяжкай жыццёвай сітуацыі, займаецца сацыяльным суправаджэннем зняволеных і прафілактыкай правапарушэнняў, арганізуе адукацыйныя праграмы для павышэння кваліфікацыі сваіх супрацоўнікаў і валанцёраў. Заўсёды імкнецца працягнуць руку дапамогі і адгукнуцца на заклік падтрымаць шматдзетныя сем'і, дзяцей і людзей з абмежаванымі магчымасцямі, адзінокіх пажылых грамадзян, пенсіянераў і бяздомных. Актыўна супрацоўнічае з адукацыйнымі ўстановамі, дабрачыннымі фондамі і аб'яднаннямі, дапамагае бальніцам.

 raczko

Кс. д-р Раман Рачко, дырэктар “Карытас” Гродзенскай дыяцэзіі

У 2003–2005 гг. вучыўся ў Каталіцкім універсітэце ім. Яна Паўла ІІ у Любліне (Польшча). У 2005–2007 гг. займаў пасаду прэфекта Вышэйшай духоўнай семінарыі ў Гродне, у 2007–2009 гг. – намесніка рэктара. У 2014 годзе прызначаны рэктарам Гродзенскай ВДС. У 2016 годзе – дырэктарам дабрачыннага таварыства “Карытас” Гродзенскай дыяцэзіі.

 

© 2006-2017 GRODNENSIS.BY  Creating and programming by Jan_Dax,  design by Alexey Sauhin.