26 лютага ў Каталіцкім Касцёле распачаўся новы літургічны перыяд – Вялікі пост. Гэта час асаблівага засяроджання над жыццём; час пакаяння і навяртання. Традыцыйна ў кожнай парафіі ладзяцца велікапосныя рэкалекцыі, якія дапамагаюць вернікам глыбей пазнаць сутнасць гэтага перыяду і пакаяння, а таксама падрыхтаваць душу да перажывання Пасхальнага Трыдууму.
21-23 лютага ў кляштары айцоў піяраў у Шчучыне адбыліся рэкалекцыі для мужчын. Духоўныя практыкаванні праводзіліся для мужчын, зацікаўленых у духоўным развіцці, у пазнаванні Бога і жаданні зразумець, кім з’яўляецца мужчына і якое яго сапраўднае прызначэнне ў Божай задуме.
Велікапосныя рэкалекцыі дазваляюць лепш і глыбей падрыхтавацца да святаў Уваскрасення Пана, лепш увайсці ў іх сутнасць, паглыбіцца ў Муку Хрыста і зразумець праўды, пра якія часта забываемся ў штодзённасці. 11 сакавіка велікапосныя духоўныя практыкаванні пачаліся ў касцёле Звеставання Найсвяцейшай Панне Марыі ў Гродне.
Рэкалекцыі на працягу трох дзён будзе праводзіць пробашч парафіі Маці Божай Нястомнай Дапамогі ў Ізабэліне кс. Генадзь Кухарэвіч CSMA.
У першы дзень адбылася святая Імша, якую ўзначаліў кс. канонік Антоні Грэмза і на якой сабраліся моладзь душпастырства “ОPEN” і вернікі горада.
У гаміліі рэкалекцыяніст разважаў над тым, як змагацца са злом, раіў рабіць дабро: “Рабіце дабро там, дзе вы ёсць. Робячы дабро, трэба быць трывалым, але не варта чакаць падтрымкі, могуць быць абгаворы ці здекі – гэта ўсё ад злога духа, які хоча перемагчы тое дабро, якое мы робім”.
Ксёндз Кухарэвіч перасцярог, што злы дух мае зброю і атакуе чалавека. “Д'ябал хоча вырваць нас з супольнасці Касцёла і загнаць у зло, але Езус і Касцёл могуць нас абараніць”, – адзначыў святар.
Таксама ён акцэнтаваў увагу на тым, што мусіць быць штодзённая малітва – гэта выратоўвае ад спакусы. “Давер Богу – найбольш паспяховая зброя”, – дадаў рэкалекцыяніст.
“Хто не са Мной, той супраць Мяне, і хто не збірае са Мной, той раскідае” (Мц 12, 30), – падсумаваў святар словамі з Евангелля.
Пасля завяршэння Эўхарыстыі ўдзельнікі рэкалекцый атрымалі благаслаўленне, а потым мелі магчымасць пагутарыць з кс. Генадзем, задаючы пытанні і дзелячыся сведчаннямі.
Вольга Сяліцкая
10-12 ліпеня для ўдзельнікаў Душпастырства студэнтаў і старэйшай моладзі Open Гродзенскай дыяцэзіі, маладых сем’яў, якія выйшлі з гэтага душпастырства, і ўдзельнікаў евангелізацыйнага курсу “Альфа” адбыліся рэкалекцыі на байдарках.
З 28 ліпеня па 3 жніўня моладзі парафіі Божай Міласэрнасці ў Гродне (Вішнявец) арганізавала супольны адпачынак.
27-29 сакавіка ў парафіі св. Міхала Арханёла ў Міхалішках (Астравецкі дэканат) адбыліся велікапосныя рэкалекцыі.
З 27 па 29 сакавіка ў лідскай парафіі Узвышэння Святога Крыжа (Фара) прайшлі велікапосныя рэкалекцыі. Праводзіў іх кс. Віталій Сідорка, пробашч парафіі Святога Юзафа, рамесніка, і благаслаўлёных сясцёр-мучаніц з Навагрудка ў Лідзе.
З 19 па 21 сакавіка ў лідскай парафіі Узвышэння Святога Крыжа (Фара) прайшлі велікапосныя рэкалекцыі. Праводзіў іх кс. Яўгеній Учкуроніс, пробашч парафіі Святога Яна Паўла ІІ у Смaргоні.
На працягу трох дзён святар разважаў пра неабходнасць сустрэчы з жывым Хрыстом і важнасць таго, каб быць сапраўдным сведкам Хрыста.
У межах рэкалекцый былі асобныя сустрэчы для мужчын, жанчын і маладых людзей. На сустрэчы з моладдзю святар звярнуў увагу на тое, што трэба быць якасным арыгіналам хрысціяніна, а не яго падробкам.
Падчас духоўных практыкаванняў парафіяне маглі прыступіць да споведзі, а таксама ўзяць удзел у набажэнствах Крыжовага шляху, падрыхтаваных сем’ямі парафіі і моладдзю.
Дзіяна Бранчэль
З 25 па 27 верасня ў парафіі св. Міхала Арханёла ў Навагрудку адбыліся рэкалекцыі, якія правёў а. Антанэлло Кадэду, місіянер з Бразіліі. Удзельнікаў была вялікая колькасць, з якіх большасць – вернікі з усёй Беларусі: з Мінска, Гродна, Ліды, Віцебска, Паставаў, Горак, Наваполацка, Ваўкавыска і інш.
З 29 па 31 сакавіка ў парафіі св. Тэрэзы Авільскай у Шчучыне адбыліся велікапосныя рэкалекцыі. Іх правёў ксёндз Уладзімір Аксенцьеў – пробашч парафіі св. Станіслава, біскупа, у Лядску (Шчучынскі дэканат).
Рэкалекцыйныя разважанні галоўным чынам прысвячаліся тром асноўным стаўпам каталіцкай веры: малітве, посту і міласціне.
Пачаліся рэкалекцыі днём споведзі. У гэты дзень на Імшы святар разважаў пра веру і вернасць Пану, а таксама пра малітву. Ён звярнуў увагу на тое, што вельмі часта людзі ў малітвах толькі просяць Бога аб чымсьці, забываючы пры гэтым падзякаваць Яму за дадзеныя ім ласкі. Таксама святар падзяліўся думкаю, што, каб быць больш эфектыўнай, малітва павінна быць сумеснай.
У другі дзень рэкалекцый ксёндз Уладзімір распавядаў на тэму посту. Ён патлумачыў, што пост – не толькі фізічная, але і духоўная дыета і што важна, каб чалавек, які посціцца, усведамляў, для чаго гэта робіць. Святар прывёў прыклад, як адна жанчына, якая прытрымлівалася посту і выконвала многія духоўныя практыкі, у адносінах да сваіх падначаленых была жорсткай і злой, усяго толькі таму, што была галоднай. “Наўрад ці яе пост быў шчыры”, – рэзюмаваў кс. Уладзімір.
У апошні дзень рэкалекцый разважанні былі засяроджаны на тэме міласціны. Як адзначыў святар, гэта самая складаная ўмова каталіцкай веры, таму што простаму чалавеку, якому па сваёй прыродзе ўласціва быць эгаістам, заўсёды шкада ахвяраваць сваім дабром.
Пасля святой Імшы вернікі прайшлі Крыжовым шляхам вуліцамі горада. Падчас працэсіі ксёндз Уладзімір разважаў пра мукі Пана Езуса, правёўшы паралелі паміж падзеямі таго і цяперашняга часоў.
Алег Мяткоўскi
Фота: Кацярына Кулiк
20 лютага пры парафіі Святой Сям’і ў Лідзе адбыўся велікапосны дзень засяроджання для міністрантаў.
Сустрэчу правёў душпастыр літургічнай службы алтара парафіі кс. Андрэй Белаблоцкі, які прапанаваў удзельнікам паразважаць пра асобу благаслаўлёнага Карло Акуціса.
Благаслаўлёны, які жыў у 1991-2006 гг., з’яўляецца актуальным прыкладам для сучаснай моладзі. За пятнаццаць гадоў жыцця ён назаўсёды пакінуў след на зямлі. Ён быў звычайным падлеткам з адной асаблівасцю – бясконцай любоўю да Хрыста і жаданнем пазнаёміць з Ім усіх і кожнага.
“Нам пашанцавала нашмат больш, чым апосталам, якія жылі з Езусам дзве тысячы гадоў таму. Нам, каб сустрэць Яго, дастаткова проста зайсці ў святыню. Ад нас да Ерузалема рукой падаць”, – казаў Карло.
У 2002 г. у яго з’явілася думка зрабіць выставу пра цуды, якія здзейсніліся дзякуючы веры. Ён стварыў сайт “Эўхарыстычныя цуды свету”, дзе сабрана інфармацыя на розных мовах, у тым ліку на рускай. На стварэнне сайта, арганізацыю і правядзенне выставы ў розных гарадах Італіі і свету спатрэбілася тры гады.
"Пасля набажэнства Карло заўсёды затрымліваўся для сузірання і часта прыступаў да споведзі, бо “падобна таму, як паветраны шар, каб падняцца на вышыню, павінен скінуць баласт, так і душы неабходна пазбавіцца ад цяжару лёгкіх грахоў, каб узляцець да Нябёсаў”.
“Смутак, – пісаў ён у дзённіку, – гэта позірк, накіраваны на самога сябе, а шчасце – позірк, накіраваны да Бога. Навяртанне заключаецца ў тым, каб перавесці позірк з нізкага на высокае. Дастаткова толькі простага руху вачэй”.
Нават сваю хуткую смерць ад лейкеміі, якая настала 12 кастрычніка 2006 г. у Монцы, ён лічыў дарам ад Бога і ахвяраваў свае цярпенні за Папу і Касцёл.
Пазнаёміўшыся з гісторыяй жыцця гэтага благаслаўлёнага, міністранты прынялі пастанову перажываць сёлетні Вялікі пост сапраўды па-Божаму, углядаючыся ў крыж Езуса Хрыста і ідучы шляхам, які ўказаў Бог.
З 24 па 26 жніўня ў будынку Вышэйшай духоўнай семінарыі ў Гродне адбыліся рэкалекцыі для святароў, якія служаць на тэрыторыі Гродзенскай дыяцэзіі.
З 13 па 15 сакавіка ў парафіi Унебаўзяцця Найсвяцейшай Панны Марыі ў Лідзе адбыліся пiярскiя сустрэчы для юнакоў. У трохдзённых рэкалекцыях прыняло ўдзел 15 чалавек з Ліды і Шчучынa.
24-26 студзеня ў кляштар сясцёр кармэлiтак Дзiцяткі Езуса ў Гудагаі (Астравецкі дэканат) з розных мясцiн Беларусі прыехалi 17 дзяўчат i жанчын, каб разам затрымацца ў цiшыні, праз малiтву, Эўхарыстыю, адарацыю, асабiсты ліст да Бога, увайсцi ў глыбiню Божага запрашэння: “Калi хочаш...”
З 17 па 19 жніўня ў парафіі Божай Міласэрнасці ў Гродне (Вішнявец) адбыліся рэкалекцыі для дзяўчат. Духоўныя практыкаванні правялі сёстры з супольнасці св. Кацярыны.
З 31 ліпеня па 2 жніўня ў кляштары Kангрэгацыi Сясцёр Найсвяцейшай Сям’і з Назарэта ў Навагрудку адбыліся рэкалекцыі для жанчын. На духоўныя практыкаванні прыбылі да назарэтанак 23 удзельніцы з розных месцаў Беларусі.
У апошнія выходныя ў кляштары Kангрэгацыi Сясцёр Найсвяцейшай Сям’і з Назарэта ў Навагрудку адбыліся рэкалекцыі для жанчын. На духоўныя практыкаванні прыбылі да назарэтанак 22 удзельніцы з Гродна, Навагрудка, Глыбокага і Мінска.
19-26 ліпеня моладзь лідскай парафіі Святой Сям’і ўдзельнічала ў рэкалекцыях у санктуарыі Маці Божай Каралевы нашых сем’яў у Тракелях.
20 лютага ў касцёле Божай Міласэрнасці ў Гродне (Вішнявец) пройдуць духоўныя практыкаванні для мужчын.
Рэкалекцыі адбудуцца пад назвай “Святая Імша – абавязак ці патрэба?”.
У межах духоўных практыкаванняў прысутныя будуць разважаць над пытаннямі: чым з’яўляецца Эўхарыстыя для кожнага верніка; як правільна ўдзельнічаць у цэлебрацыі Імшы; які ўдзел кожнага з нас; якія плёны ў Эўхарыстыі Пан для нас падрыхтаваў.
Рэкалекцыі правядзе пробашч гродзенскай катэдры св. Францішка Ксаверыя кс. канонік Ян Кучынскі.
Праграма
10.00 – малітва і ўступная канферэнцыя
10.40 – кава-паўза
11.20 – канферэнцыя 2
12.00 – абмеркаванне, пытанні
13.30 – абед
15.00 – Вяночак да Божай Міласэрнасці
15.15 – канферэнцыя 3
16.00 – адарацыя, магчымасць прыступіць да споведзі
16.30 – святая Імша з гаміліяй
Дадатковая інфармацыя па тэлефонах:
+375 33 624 42 85 Павел
+375 33 621 66 56 Віталій
+375 44 733 71 67 Viber
За ўдзел з улікам харчавання ўносіцца 20 руб. (па магчымасці). Таксама па магчымасці з сабой трэба мець Біблію, малітоўнік, сшытак, ручку.
Мужчыны, якія па нейкіх прычынах не змогуць удзельнічаць у духоўных практыкаваннях на працягу ўсяго дня, могуць прыняць удзел у асобных пунктах праграмы ў зручны для сябе час.
З 15 па 17 верасня пры санктуарыі Маці Божай Каралевы нашых сем’яў у Тракелях (Радунскі дэканат) адбыліся святарскія рэкалекцыі.
З 31 жніўня па 2 верасня ў дыяцэзіяльным санктуарыі Маці Божай Шкаплернай у Гудагаі (Астравецкі дэканат) адбыліся святарскія рэкалекцыі.
Духоўныя практыкаванні праводзіў айцец Аляксандр Жарнасек МІС, які нясе служэнне ў Росіцы. На працягу трох дзён разам са святаром семінарысты разважалі над шэрагам тэм: што значыць быць чалавекам, як стаць сапраўдным мужчынам, якіх адносінаў чакае ад нас Пан, хто такі Дух Святы і якую ролю Ён адыгрывае ў духоўным жыцці хрысціяніна.
20-21 лютага пры парафіі святога Казіміра ва Уселюбе (каля Навагрудка) пройдзе другі тур рэкалекцый на тэму „Навучыцца прабачаць і прасіць прабачэння”.
Духоўныя практыкаванні будуць прысвечаны разважанням пра значэнне прабачэння і чаму варта маліцца аб тым, каб быць здольнымі да яго. Як вынікае з малітвы „Ойча наш…”, дараванне Богам нашых грахоў звязана з тым, ці не трымаем мы крыўды на іншых.
У праграме рэкалекцый – святыя Імшы, адарацыя, практыкаванні „цішыні”, сведчанні, канферэнцыі i малітва аздараўлення.
Пачатак 20 лютага ў 11.00, заканчэнне – 21 лютага ў 13.00.
Запіс працягваецца да 18 лютага.
Арганізатары забяспечваюць удзельнікаў начлегам і харчаваннем. Удзельнікі ўносяць за сваё прабыванне на рэкалекцыях дабрачыннае ахвяраванне.
Запіс да 18 лютага па тэлефоне:
+375 29 280 05 45 – кс. Віталій.
Інфармацыя пра даезд на сайце парафіі.
Духоўныя практыкаванні для клерыкаў з 17 па 20 лютага правёў ганаровы мітрапаліт Мінска-Магілёўскі арцыбіскуп Тадэвуш Кандрусевіч.
Асаблівыя дні штогадовых велікапосных рэкалекцый - надзвычай каштоўны час, бо менавіта духоўныя практыкаванні ў атмасферы засяроджання нярэдка дапамагаюць нанова адкрыць адносіны з Богам і паглыбіць іх, каб спаўняць волю Пана ў сваім жыцці.
Сёлета рэкалекцыі для семінарыстыў праводзіў Яго Эксцэленцыя ганаровы мітрапаліт Мінска-Магілёўскі ксёндз арцыбіскуп Тадэвуш Кандрусевіч. Пастыр прысвяціў дні духоўных разважанняў адразу некалькім тэмам. Ён засяродзіў увагу ўдзельнікаў рэкалекцый на важнасці навяртання і пакуты, семінарыйнай фармацыі, малітвы і Эўхарыстыі ў жыцці святара, адносінаў з Паннай Марыяй, а таксама пытанням цэлібату і сталай фармацыі.
"Але галоўнае - быць і заставацца чалавекам. Тады святар будзе менавіта тым чалавекам, да якога вернікаў прыцягвае, нібыта магнітам", -- падкрэсліў ганаровы мітрапаліт падчас аднаго з разважанняў.
У семінарыйнай капліцы навучэнцы збіраліся на ўрачыстую Ютрань і Камплету, падчас адарацыі Найсвяцейшага Сакрамэнта. Пятніца была прысвечана пакутным набажэнствам - Крыжоваму шляху і сакрамэнту пакаяння. Цэнтрам жа кожнага дня духоўных практыкаванняў стала Святая Імша - жывая сустрэча з Езусам у Эўхарыстыі.
Адным з найбольш цікавых пунктаў праграмы стала нефармальная сустрэча з ганаровым мітрапалітам. Яго Эксцэленцыя не толькі распавёў пра свой досвед служэння ў Беларусі і Расіі, але таксама адказаў на хвалюючыя пытанні клерыкаў.
Як знак удзячнасці за праведзеныя рэкалекцыі семінарысты падарылі пастыру майку са здымкамі ўсіх навучэнцаў семінарыі ў Гродне.
Арцём Кір'янаў
Фота: Павел Леановіч, Аляксей Ціхан
7-9 лютага ў кляштары айцоў кармэлітаў босых у Гудагаі (Астравецкі дэканат) прайшлі рэкалекцыі для юнакоў аб распазнанні свайго жыццёвага паклікання. Духоўныя практыкаванні адбываліся пад дэвізам “Не бойся сказаць Богу „так“ і адчыніць дзверы свайго сэрца”.