З 31 жніўня па 2 верасня ў дыяцэзіяльным санктуарыі Маці Божай Шкаплернай у Гудагаі (Астравецкі дэканат) адбыліся святарскія рэкалекцыі.
У духоўных практыкаваннях удзельнічалі 30 святароў. Рэкалекцыі праходзілі пад назвай “Шляхамі прарока Іллі”.
Пад духоўным кіраўніцтвам а. Леанардa Цеханоўскага OCD на працягу трох дзён святары, якія служаць у Гродзенскай дыяцэзіі, былі “ў дарозе” паклікання і навяртання разам з вялікім прарокам Іллёю.
Цэнтральнай падзеяй кожнага дня рэкалекцый была Эўхарыстыя, падчас якой святары маліліся ў інтэнцыі хучэйшага і мірнага вырашэння грамадска-палітычнага крызісу ў нашай Бацькаўшчыне і яе мірнай будучыні.
Кс. Станіслаў Краўчанка
