У нядзелю 6 чэрвеня ў маладой гродзенскай парафіі благаслаўлёнай Мар’яны Бярнацкай адбылася важная падзея. Група дзяцей – пяць дзяўчынак – упершыню прыступіла да эўхарыстычнага стала, прыняўшы Пана Езуса ў святой Камуніі ў свае сэрцы.

Гэтая падзея сапраўды гістарычная, бо парафія, якая атрымала пасведчанне аб дзяржаўнай рэгістрацыі ў лістападзе 2019 года, першы раз у сваёй гісторыі перажывала такую ўрачыстасць.

Імша, на якой сабраліся шматлікія парафіяне, госці парафіі, родныя і блізкія дзяцей, якія прыступалі да Камуніі, цэлебравалася ў святыні Унебаўзяцця Найсвяцейшай Панны Марыі ў Адамавічах (Сапоцкінскі дэканат).

Вернікі новай парафіі дзякуючы дабрыні мясцовага пробашча карыстаюцца гэтай святыняй да моманту ўзвядзення сваёй часовай капліцы.

Імшу цэлебраваў пробашч парафіі бл. Мар’яны Бярнацкай ксёндз Юрый Марціновіч, які падчас Эўхарыстыі заахвоціў дзяцей старацца заўсёды быць блізка да Бога і пажадаў, каб Ён стаў іх сапраўдным Сябрам.

Імшу ўпрыгожыў спевам дыяцэзіяльны хор “Cantate Domino” пад кіраўніцтвам Генрыха Давідовіча, яго нязменнага кіраўніка і дырыжора. Дзякуючы гэтаму спеву літургія стала больш урачыстай, што спрыяла яе адпаведнаму перажыванню.

На заканчэнне Эўхарыстыі дзеці, якія ў гэты дзень запрасілі Езуса ў сваё сэрца і жыццё, падзякавалі Пану за клопат пра іх і іх сем’і.

Таксама яны з узрушанасцю дзякавалі пробашчу, які на працягу апошняга года рыхтаваў іх да гэтай падзеі, сваім бацькам, блізкім і ўсім прысутным у святыні.

Падсумоўваючы гэты дзень, душпастыр маладой і жывой парафіі падкрэсліў, што ўрачыстасць назаўсёды ўпішацца ў гісторыю гэтай парафіяльнай супольнасці, якая вялікімі крокамі ідзе да таго, каб у бліжэйшы час устанавіць крыж і асвяціць пляцоўку пад будаўніцтва сваёй уласнай святыні ў цэнтры гарадскога мікрараёна Баранавічы, які імкліва развіваецца.

Прэс-служба Гродзенскай дыяцэзіі

Фота: Баляслаў Гавецкі

Урачыстасць Першай Камуніі адбылася ў парафіі св. Казіміра ў Ліпнішках (Іўеўскі дэканат).

Каля 40 дзяцей запрасілі Пана Езуса ў свае сэрцы, упершыню прыняўшы Яго Цела.

Святую Імшу цэлебраваў пробашч парафіі а. Андрэй Зуй OFMCap, які заахвоціў дзяцей заўсёды імкнуцца супрацоўнічаць з Божай ласкай і клапаціцца пра чысціню сваіх сэрцаў.

Дзяцей у гэты важны для іх дзень атачалі бацькі, блізкія, а таксама парафіяне, якія асаблівым чынам падтрымлівалі іх сваімі малітвамі.

Прэс-служба Гродзенскай дыяцэзіі

30 мая ў смаргонскай парафіі св. Яна Паўла ІІ адбылася ўрачыстасць Першай святой Камуніі.

У нядзелю Найсвяцейшай Тройцы 68 дзяўчынак і хлопчыкаў упершыню прынялі Цела Хрыста. Камунію ўдзяліў пробашч парафіі ксёндз Яўген Учкуроніс.

Дзеці былі адпаведным чынам падрыхтаваны да гэтага важнага дня на ўроках рэлігіі, якія праводзіла с. Магдаліна Кулай з Гудагая, кармэліткa Дзіцяткі Езуса.

Прэс-служба Гродзенскай дыяцэзіі

Фота: з архіву парафіі

5 верасня ў дзяцей з парафіі святых апосталаў Пятра і Паўла ў Іўі, якія нядаўна прыступілі да Першай Камуніі, заканчваўся “Белы тыдзень”, як называецца тыдзень пасля яе прыняцця. У гэты дзень дзеці разам з пробашчам парафіі кс. Янам Гавецкім здзейснілі пілігрымку ў санктуарый Маці Божай Каралевы нашых сем’яў у Тракелях.

20 верасня ў парафіі Найсвяцейшай Тройцы ў Зэльве (Слонімскі дэканат) падчас урачыстай Імшы група дзяцей упершыню прыступіла да эўхарыстычнага стала, прыняўшы ў сэрца Пана Езуса ў святой Камуніі.

Ва ўрачыстасць Найсвяцейшай Тройцы, 30 мая, у  ў Лідзе две групы дзяцей прыступілі да Першай Камуніі.

Вельмі кранальна перажывалі гэтую падзею як дзеці, так і іх бацькі і родныя, якія прысутнічалі ў святыні.

Пробашч лідскай Фары кс. канонік Уладзімір Гуляй, які ўдзяліў дзецям Першую святую Камунію, звярнуўся да іх у гаміліі. Ён заахвоціў дзяцей да радасці, адзначыўшы, што нават анёлы і ўсе святыя асабліва радуюцца ў гэты дзень.

Святар нагадаў аб асаблівай падрыхтоўцы да гэтай важнай падзеі, заўважыўшы, што такая падрыхтоўка доўжыцца не два гады, а з самага пачатку жыцця кожнага дзіцяці, і што Бог першы ідзе, каб сустрэцца з намі. Таксама пробашч заахвоціў дзяцей запытацца ў сваіх бацькоў, як яны перажывалі сваю першую сустрэчу з Хрыстом, і падзяліўся сваім сведчаннем. Ксёндз Уладзімір пажадаў дзецям, каб яны заўсёды дзяліліся Езусам, якога атрымаюць у святой Камуніі.

Дзеці на працягу цэлага тыдня будуць прыходзіць у прыгожым белым адзенні на Эўхарыстыю, каб ужо цалкам у ёй удзельнічаць і несці Хрыста ў сваё асяроддзе.

С. Ганна Мацуль CSSN

14 верасня ў касцёле імя св. Францішка Ксаверыя ў Гродне больш за 100 хлопцаў і дзяўчат ўпершыню прыступілі да святой Камуніі.

28 мая ў парафіі Святога Духа ў Гродне (Альшанка) адбылося вялікае свята. У гэты дзень святую Камунію ў першы раз прынялі тры групы маленькіх вернікаў, агульны лік якіх склаў каля 200 чалавек.

Па колькасці дзяцей, якія прыступілі да Першай Камуніі, гэта рэкорд сярод каталіцкіх парафій ва ўсёй Беларусі.

Да гэтай значнай падзеі дзяцей два гады рыхтавала с. Бернадэтта CSSH.

На Першую святую Камунію раніцай завітаў ксёндз Віталій Сідорка, які ў гаміліі параўнаў дзіцячае сэрца з клінкерам.

“Клінкер – гэта цэгла, якая вырабляецца пад вялікай тэмпературай. І толькі па гэтай прычыне становіцца тым, чым ёсць. У кожнага чалавека ёсць і будуць розныя цяжкасці ў жыцці. Толькі з Богам можна ўсё пераадолець”, – разважаў святар.

Да іншай групы дзяцей завітаў ксёндз Віктар Ханько, які заахвоціў кожнага з іх старацца прыносіць плён у духоўным жыцці.

На кожнай святой Імшы пробашч парафіі ксёндз канонік Павел Салабуда звяртаўся да бацькоў, заклікаючы іх рабіць усё для духоўнага выхавання сваіх дзяцей.

“Як важна сёння чалавеку быць моцным у Богу, асабліва маладому чалавеку. Свята Першай святой Камуніі – гэта той момант для нас усіх, калі Бог, прысутнічаючы ў жыцці кожнага, умацоўвае нас у веры”, – заўважыў кс. Павел.

На заканчэнне кожнай Імшы пробашч прасіў дзяцей быць вернымі Богу і ўмацоўваць сваю веру. А бацькі, дзякуючы парафіі за час, прысвечаны дзецям, падарылі касцёлу звон.

Наталля Лазоўская

Фота: Віталій Шмурай

22 мая пробашч парафіі Святога Духа ў Гродне ксёндз канонік Павел Салабуда ўдзяліў сакрамэнт Эўхарыстыі дзецям, якія рыхтаваліся да ўрачыстасці на працягу двух гадоў.

Памаліцца за дзяцей прыйшлі іх бацькі і блізкія, якія падзякавалі Богу за іх і за ўдзеленыя ім сакрамэнты пакаяння і Эўхарыстыі. У сваю чаргу маленькія вернікі выказалі словы падзякі сёстрам законным і святарам, якія дапамагалі ім і былі разам з імі ў гэты перыяд жыцця. Вернікі парафіі спадзяюцца, што на гэтым шлях дзяцей да Бога не спыніцца, а сувязь з Ім будзе толькі мацнець.

“Езус так моцна вас любіць, што запрасіў сёння сюды. Ён так моцна вас любіць, што прыйшоў у ваша жыццё, і сёння вы забярэце Яго з сабой. Гэта неверагодна”, – сказаў пробашч маленькім вернікам у гаміліі.

З наступнага дня ў дзяцей пачынаецца Белы тыдзень, як называецца тыдзень пасля Першай Камуніі. Гэта час, калі маленькія парафіяне будуць дзякаваць Богу за атрыманыя дары і ласкі. Благаславіць іх на далейшы шлях прыедзе арцыбіскуп Тадэвуш Кандрусевіч, які ў гэты дзень удзеліць сакрамэнт канфірмацыі моладзі і старэйшым парафіянам.

Святую Імшу ўпрыгожваў спевам моладзевы парафіяльны гурт “Bonum”, які грае на Эўхарыстыі кожную нядзелю. Тыя, хто лічыць сябе моладдзю і хоча праслаўляць Бога спевамі ў касцёле, могуць звярнуцца да святара ў сакрыстыю.

Усім дзецям, якія ў месяцы маі, прысвечаным Найсвяцейшай Панне Марыі, прымаюць Цела Езуса Хрыста, парафіяне жадаюць трываць у веры ўсё жыццё і не сыходзіць з гэтага шляху да неба, бо чалавек з Богам – гэта шчаслівы чалавек.

Наталля Лазоўская

30 мая, ва ўрачыстасць Найсвяцейшай Тройцы, у парафіі святых апосталаў Пятра і Паўла ў Іўі група дзяцей прыступіла да Першай Камуніі.

Пасля адпаведнай падрыхтоўкі, а таксама споведзі, дзеці ўпершыню прынялі ў свае маладыя сэрцы Пана Езуса. Камунію ім удзяліў пробашч парафіі кс. Ян Гавецкі.

Дзеці былі вельмі рады гэтаму. Яны разумелі, што гэта адзін з найважнейшых дзён у іх жыцці, з якога яны могуць у паўнаце ўдзельнічаць у святой Імшы.

На ўрачыстасць прыбыло вельмі шмат гасцей. Прысутнічалі бацькі і родныя дзяцей. На тварах мамаў і татаў можна было заўважыць гонар, калі яны бачылі, як іх сынкі і дачушкі прымаюць сакрамэнт Эўхарыстыі.

Зараз на працягу Белага тыдня, як называецца тыдзень пасля Першай Камуніі, дзеці з вялікай ахвотай прыходзяць у святыню, каб адзначаць гэтую вялікую падзею. У прыгожых убраннях і ў святочна аздобленым касцёле яны могуць зноў перажываць Эўхарыстыю.

Кс. Юрый Марціновіч

Фота: Баляслаў Гавецкі

8 жніўня ў парафіi Унебаўзяцця Найсвяцейшай Панны Марыі ў Адамавічах (Сапоцкінскі дэканат) адбылася ўрачыстасць Першай святой Камуніі. Ёй папярэднічаў сакрамэнт пакаяння, да якога дзеці прыступілі днём раней.

У парафіi св. Юрыя ў Варнянах (Астравецкі дэканат) адбылася ўрачыстасць Першай святой Камуніі.

30 жніўня ў парафіі святых апосталаў Пятра і Паўла ў Іўі адбылася ўрачыстасць Першай святой Камуніі. Да эўхарыстычнага стала ў гэты дзень прыступілі і прынялі Езуса Хрыста ў свае сэрцы 62 дзіцяці.

13 чэрвеня ў парафіі святых Сымона і Юды Тадэвуша, апосталаў, у Лаздунах (Іўеўскі дэканат) адбылася ўрачыстасць Першай святой Камуніі.

У гэты дзень група дзяцей падчас урачыстай Імшы ўпершыню ў жыцці прыступіла да эўхарыстычнага стала.

Днём раней перад тым, як першы раз прыняць Езуса ў сваё сэрца, дзеці прыступілі да сакрамэнту пакаяння.

Імшу ўзначаліў пробашч парафіі кс. Артур Валчкевіч, які заахвоціў дзяцей палюбіць Хрыста ўсім сэрцам.

На заканчэнне Эўхарыстыі маленькія парафіяне выказалі словы ўдзячнасці Езусу за тое, што Ён прыйшоў да іх у святой Камуніі, а таксама падзякавалі тым, хто рыхтаваў іх да гэтай сустрэчы з Богам.

Прэс-служба Гродзенскай дыяцэзіі

Фота: Людміла Пясецкая

2 мая ў парафіі святога Станіслава, біскупа, у Ляцку (Шчучынскі дэканат) 18 дзяцей прыступілі да Першай Камуніі.

Дзяўчынкі ў белых сукенках і хлопчыкі ў белых альбах сталi сведкамі вялікага цуду і прынялi ў свае сэрцы Жывога Бога – Езуса Хрыста – у сакрамэнце Эўхарыстыі.

Разам з іх бацькамі, хроснымі, роднымі і знаёмымі гэтую падзею святкавала ўся парафія, дзякуючы Пану за вялікі дар Цела і Крыві Езуса Хрыста і ўзгадваючы Яго словы: “Хто спажывае Маё Цела і п’е Маю Кроў, мае жыццё вечнае, і Я ўваскрашу яго ў апошні дзень” (Ян 6, 54).

Вернікі парафіі на чале з пробашчам жадаюць дзецям не пераставаць любіць Хрыста і не забываць пра споведзь, каб гэтая ўрачыстасць была прычынай паглыблення веры, надзеі і любові ў іх сем’ях, а таксама жадаюць, каб Найсвяцейшая Панна Марыя апекавалася імі і дапамагала служыць з любоўю Езусу Хрысту.

Mесяц май асацыюецца не толькі з постаццю Маці Божай, якую ў гэты час Касцёл асабліва ўшаноўвае. Таксама гэта перыяд Першай Камуніі, калі дзеці ў белым адзенні упершыню прыступаюць да эўхарыстычнага стала.

14 мая ўрачыстасць Першай Камуніі прайшла ў гродзенскім касцёле Адшукання Святога Крыжа (пабернардынскі).

Днём раней адбыўся сакрамэнт пакаяння, да якога дзеці прыступалі з пакорай і вялікім хваляваннем.

Урачыстасць пачалася перад уваходам у парафіяльны касцёл. Вікарый парафіі кс. Эрнэст Мікалайчык прывітаў і благаславіў дзяцей і прысутных гасцей. Затым благаслаўленне дзецям удзялілі бацькі.

Дзеці імкнуліся старанна і актыўна ўдзельнічаць ва ўсёй Эўхарыстыі. Момант, калі яны ў першы раз сур’ёзна і засяроджана прынялі святую Камунію, быў вельмі ўзрушальным і радасным.

Яны ўважліва слухалі казанне, а пасля з годнасцю ішлі разам з бацькамі ў працэсіі, несучы дары алтара.

Тыдзень пасля ўрачыстасці Першай Камуніі называецца “белым тыднем”. У гэтыя дні дзеці ўдзельнічаюць у Эўхарыстыі.

Прэс-служба Гродзенскай дыяцэзіі

Фота: Яўген Фалееў

20 верасня ў парафіі Найсвяцейшай Тройцы ў Росі (Ваўкавыскі дэканат) адбылася ўрачыстасць Першай Камуніі, якая была вялікай падзеяй для парафіяльнай супольнасці. Першы раз у жыцці прынялі Езуса ў сваё сэрца сем дзяўчынак і сямёра хлопчыкаў.

25 ліпеня незвычайная ўрачыстасць Першай святой Камуніі адбылася ў парафіі Апекі Найсвяцейшай Панны Марыі ў Дайлідках, што на Астравеччыне, дзе сёлета была адноўлена пабудаваная 200 гадоў таму капліца.

12 верасня ў капліцы Маці Божай Тройчы Дзівоснай у Данілавічах, якая належыць да парафіі ў Стараельні (Дзятлаўскі дэканат), адбылася ўрачыстасць Першай святой Камуніі.

13 верасня ў парафіі Нараджэння Найсвяцейшай Дзевы Марыі ў Дудах (Іўеўскі дэканат) адбылася ўрачыстасць Першай святой Камуніі.

27 верасня ў парафіі святога Станiслава Косткi (Ваўкавыскі дэканат) у 95-ю гадавіну з моманту яе заснавання адбылася ўрачыстасць Першай Камуніі.

6 чэрвеня ў парафіі Адведзінаў Найсвяцейшай Панны Марыі ў Гудагаі (Астравецкі дэканат) група дзяцей упершыню прыступіла да святой Камуніі.

Да гэтай важнай падзеі дзеці былі адпаведным чынам падрыхтаваны. Перажываючы зараз Белы тыдзень, яны ўдзельнічаюць у святой Імшы, молячыся за сваіх блізкіх, якія прыкладам жыцця вялі іх да веры, і дзякуючы Пану Богу за ўсе ласкі, якія ад Яго атрымліваюць.

Хочацца пажадаць дзецям, каб прыняцце Езуса Эўхарыстычнага ў святой Камуніі пастаянна насычала плёнам, фармавала і перамяняла іх жыццё і каб яны ніколі не страцілі Дару, які атрымалі.

Прэс-служба Гродзенскай дыяцэзіі

23 жніўня ў капліцы Божай Міласэрнасці ў Хадзiлонях, якая належыць да парафіі ў Першамайску (Шчучынскі дэканат), адбылася ўрачыстасць Першай святой Камуніі.