23 жніўня ў капліцы Божай Міласэрнасці ў Хадзiлонях, якая належыць да парафіі ў Першамайску (Шчучынскі дэканат), адбылася ўрачыстасць Першай святой Камуніі.
Да эўхарыстычнага стала ўпершыню прыступілі дзве дзяўчынкі і двое хлопчыкаў.
Для невялікай парафіяльнай супольнасці гэты дзень стаў сапраўды значным і радасным, бо гэтая падзея сведчыць пра тое, што супольнасць жывая і развіваецца.
Святую Імшу ўзначаліў пробашч парафіі кс. Юрый Грыцко, які заахвоціў дзяцей часта запрашаць у сваё сэрца Пана Езуса ў святой Камуніі і пажадаў, каб Ён заўсёды быў іх найлепшым Сябрам.
З прычыны пандэміі каранавірусу ўсе запланаваныя ўрачыстасці Першай Камуніі, якія звычайна адбываюцца ў нашых парафіях у маі, былі перанесены на пазнейшы час і на восень. Таму зараз у многіх парафіях Гродзенскай дыяцэзіі дзеці ўпершыню прыступаюць да эўхарыстычнага стала.
Кс. Юрый Марціновіч
