21-23 лютага ў кляштары айцоў піяраў у Шчучыне адбыліся рэкалекцыі для мужчын. Духоўныя практыкаванні праводзіліся для мужчын, зацікаўленых у духоўным развіцці, у пазнаванні Бога і жаданні зразумець, кім з’яўляецца мужчына і якое яго сапраўднае прызначэнне ў Божай задуме.
Пандэмія каранавірусу змяніла ўсе планы каталіцкай моладзі, якая ў летні час ахвотна ўдзельнічала ў пілігрымках і розных сустрэчах, якія арганізоўваліся ў парафіях.
З 30 красавіка па 3 мая ў парафіі св. Тэрэзы Авільскай у Шчучыне адбылося аднаўленне святых місій.
Місіі праходзілі тут роўна год таму, парафіяне сустракалі іх з радасцю і адкрытымі сэрцамі.
Аднавіць місіі, накіраваныя на паглыбленне праўдаў веры, разуменне каштоўнасці супольнай і асабістай малітвы, прыбылі ў Шчучын айцы рэдэмптарысты Эдвард Пяцельчыц і Андрэй Урублеўскі. Гэты час быў прысвечаны разважанню над разнастайнымі праблемамі ў жыцці хрысціяніна, пошукам у іх Божай волі і яе выконваннем.
Айцы рэдэмптарысты заўсёды самаахвярна выконваюць волю Пана Бога, імкнуцца быць там, дзе яны патрэбны людзям. Адказваючы на знакі часу, яны рознымі спосабамі служаць у сваёй краіне і па-за яе межамі. Сваю апостальскую дзейнасць яны даручаюць апецы Маці Божай Нястомнай Дапамогі, цудадзейны абраз якой атуляюць асаблівай павагай.
У шчучынскай парафіі сваю дзейнасць, свой заклік да супольнай малітвы рэдэмптарысты пачалі ў нядзелю Добрага Пастыра.
Панядзелак сустракаў парафіян тэмай “Калі чалавек памірае”. Было шмат разважанняў пра адносіны хрысціян да смерці, айцы прыводзілі розныя жыццёвыя прыклады, каб кожны прысутны задумаўся аб гэтай падзеі.
Пасля святой Імшы адбылося набажэнства за памерлых. Парафіяне мелі магчымасць памаліцца за родных і блізкіх, асабліва за тых, хто пакінуў зямны шлях на працягу года – з часу мінулагодніх місій. Увечары адбылася сустрэча для вернікаў “Школа малітваў”. На ёй парафіяне вучыліся прыносіць просьбы Богу, маглі паглыбіцца ў малітву, даведацца пра яе крыху болей. На сустрэчы прысутнічала цікавая госця, якая распавяла пра свой асабісты шлях да малітвы, які праходзіў праз розныя этапы жыцця.
У аўторак моладзь, дзеці і іх бацькі сабраліся на супольнай сустрэчы. Тэмай дня было Сэрца Пана Езуса. Айцы рэдэмптарысты вельмі даступна і якасна тлумачылі пра любоў Езуса, пра Яго магутнае Сэрца, заўсёды адкрытае, якое з’яўляецца, як было падкрэслена, знакам любові да кожнага чалавека. Таксама пробашчам парафіі а. Андрэем Агелем быў зачытаны Акт прысвячэння парафіі Найсвяцейшаму Сэрцу Пана Езуса.
Вернікі прынеслі на Імшу абразы Сэрца Езуса, якія былі асвячаны. У канцы Імшы кожны змог атрымаць асабістае благаслаўленне сваім абразом. Пасля парафіяне з любоўю і пашанай панеслі абразы дадому. Увечары адбылася другая сустрэча “Школа малітваў”. На ёй вернікі вучыліся праслаўляць Бога, ахвотныя маглі падысці да мікрафона і прамовіць ад сэрца словы праслаўлення Пана. Гучалі меладычныя каноны, таксама на сустрэчы была госця, якая пазнаёміла сабраных са сваім шляхам да пазнання малітвы.
Серада сустрэла вернікаў тэмай “Трываласць у пастановах”. Рэдэмптарысты прапанавалі прысутным шмат разважанняў. Таксама яны засяродзілі ўвагу на маці як галоўнай асобе ў жыцці чалавека і на Маці Божай, адзначыўшы, што як для маці важнае яе дзіця, якое яна ніколі не дазволіць пакрыўдзіць, так для Маці Божай важны кожны з нас.
У канцы Імшы рэдэмптарысты пажадалі парафіянам, каб іх вера была “як магутнае дрэва, а любоў да Маці Божай – як карані гэтага дрэва: тады гэтыя карані будуць паўзці і распаўсюджвацца ўсё далей у сэрцы, у дамы і сем’і ўсіх веруючых”.
Пасля адбылася трэцяя сустрэча “Школа малітваў”, на якой парафіяне вучыліся дзякаваць Богу. Па традыцыі прысутнічаў госць, які расказаў сваю жыццёвую гісторыю і пазнаёміў са сваім шляхам да малітвы. Ахвотныя, падыходзячы да мікрафона, выказвалі падзяку Пану, а таксама айцам рэдэмптарыстам за навучанне, бо шмат зразумелі, навучыліся малітве і ўпарадкавалі ў ёй свае думкі.
Парафіяне вельмі ўдзячныя айцам Эдварду і Андрэю за аднаўленне святых місій, за час, прысвечаны вернікам Шчучына. Усе гэтыя дні былі насычаны карыснай інфармацыяй, шматлікімі разважаннямі, якія прысутныя ўбіралі ў сябе, чэрпаючы ўсё самае неабходнае для ўзмацнення веры.
Аксана Цыбульская
Фота: Кацярына Кулік
Айцы піяры са Шчучына запрашаюць да ўдзелу ў відэаконкурсе “Сёння я распавяду вам пра святога Яна Паўла II”.
24 мая ў шчучынскай парафіі св. Тэрэзы Авільскай адбылося афіцыйнае заканчэнне навучальнага і катэхетычнага года. Традыцыйна ў гэты дзень выпускнікі перадаюць фігурку св. Юзафа Каласанса сваім малодшым сябрам у знак вернасці, адказнасці за парафію і пастаяннай прысутнасці на занятках катэхезы.
16 верасня ў парафіі св. Тэрэзы Авільскай у Шчучыне біскуп Віцебскі Алег Буткевіч удзяліў сакрамэнт канфірмацыі.
4 мая пробашч парафіі св. Тэрэзы Авільскай у Шчучыне а. Андрэй Агель SchP ад імя ўсіх вернікаў парафіі перадаў у мясцовую Цэнтральную раённую бальніцу санітарна-гігіенічныя камбінезоны.
З 29 па 31 сакавіка ў парафіі св. Тэрэзы Авільскай у Шчучыне адбыліся велікапосныя рэкалекцыі. Іх правёў ксёндз Уладзімір Аксенцьеў – пробашч парафіі св. Станіслава, біскупа, у Лядску (Шчучынскі дэканат).
Рэкалекцыйныя разважанні галоўным чынам прысвячаліся тром асноўным стаўпам каталіцкай веры: малітве, посту і міласціне.
Пачаліся рэкалекцыі днём споведзі. У гэты дзень на Імшы святар разважаў пра веру і вернасць Пану, а таксама пра малітву. Ён звярнуў увагу на тое, што вельмі часта людзі ў малітвах толькі просяць Бога аб чымсьці, забываючы пры гэтым падзякаваць Яму за дадзеныя ім ласкі. Таксама святар падзяліўся думкаю, што, каб быць больш эфектыўнай, малітва павінна быць сумеснай.
У другі дзень рэкалекцый ксёндз Уладзімір распавядаў на тэму посту. Ён патлумачыў, што пост – не толькі фізічная, але і духоўная дыета і што важна, каб чалавек, які посціцца, усведамляў, для чаго гэта робіць. Святар прывёў прыклад, як адна жанчына, якая прытрымлівалася посту і выконвала многія духоўныя практыкі, у адносінах да сваіх падначаленых была жорсткай і злой, усяго толькі таму, што была галоднай. “Наўрад ці яе пост быў шчыры”, – рэзюмаваў кс. Уладзімір.
У апошні дзень рэкалекцый разважанні былі засяроджаны на тэме міласціны. Як адзначыў святар, гэта самая складаная ўмова каталіцкай веры, таму што простаму чалавеку, якому па сваёй прыродзе ўласціва быць эгаістам, заўсёды шкада ахвяраваць сваім дабром.
Пасля святой Імшы вернікі прайшлі Крыжовым шляхам вуліцамі горада. Падчас працэсіі ксёндз Уладзімір разважаў пра мукі Пана Езуса, правёўшы паралелі паміж падзеямі таго і цяперашняга часоў.
Алег Мяткоўскi
Фота: Кацярына Кулiк
Міжнародны праект YES! – “Скарачэнне беднасці шляхам працаўладкавання сацыяльна неабароненай моладзі ў менш развітых рэгіёнах Беларусі” рэалізуецца дабрачынным каталіцкім таварыствам Caritas Беларусь па ўсёй рэспубліцы пры падтрымцы Renovabis (Германія) і Caritas Linz (Аўстрыя) з мэтай павышэння ўзроўню жыцця маладых беларусаў ва ўзросце 18-35 гадоў, якім патрабуецца падтрымка.
25 красавіка, у нядзелю Добрага Пастыра, у парафіі св. Тэрэзы Авільскай у Шчучыне з’явіліся тры новыя міністранты і тры лектары.
Урачыстае прыняцце новых членаў у лік міністрантаў і лектараў здзейсніў пробашч парафіі а. Андрэй Агель SP.
Юнакі з гонарам прынялі прысягу, паабяцаўшы служыць аддана і пабожна, і апранулі белыя комжы. Лектары атрымалі крыжы.
Пасля падрыхтоўкі, якая доўжылася некалькі месяцаў, юныя католікі пачалі служыць пры алтары разам са святарамі. У вачах хлопцаў гарэў яркі агеньчык адданасці і добрасумленнага служэння.
Духоўнае ўзрастанне веруючых пачынаецца ў сям’і, таму вельмі сімвалічнай была супольная сустрэча святароў, міністрантаў і іх бацькоў. Усе прысутныя з задавальненнем размаўлялі, гулялі ў розныя гульні і частаваліся прысмакамі.
У адрас брата Віктара і дыякана Аляксандра гучалі словы падзякі за падрыхтоўку юнакоў да гэтага важнага ў іх жыцці кроку.
Хочацца пажадаць новым “ахоўнікам алтара” з гонарам несці любоў да Бога, верна служыць Хрысту і быць прыкладам для ўсіх.
Аксана Цыбульская
Фота: Рыта Янкоўская
22 сакавіка, у чацвёртую нядзелю Вялікага посту, літургічная служба алтара “Calasanz” у Шчучыне перажывала сваё свята – яе колькасць павялічылася на дзевяць новых міністрантаў і лектараў.
Ужо традыцыйна ў студзені айцы піяры правялі аплаткавую сустрэчу са сваімі бацькамі ў Шчучыне.
22 жніўня ў сваёй роднай парафіі св. Тэрэзы ад Езуса (Авільскай) у Шчучыне с. Ганнa Мацуль з Кангрэгацыі Сясцёр Найсвяцейшай Сям’і з Назарэта прынесла вечныя манаскія абяцанні.
10 чэрвеня ў парафіі св. Тэрэзы Авільскай у Шчучыне адбылася Імша для выпускнікоў.