Айцы піяры са Шчучына запрашаюць да ўдзелу ў відэаконкурсе “Сёння я распавяду вам пра святога Яна Паўла II”.

Конкурс арганізаваны з нагоды стагоддзя з дня нараджэння Караля Вайтылы, пазней Папы Яна Паўла II.

Якая мэта конкурсу? Узгадаць і лепш пазнаць асобу святога Яна Паўла II, яго вучэнне і сведчанне жыцця.

Хто можа ўзяць удзел? Усе жадаючыя.

Умовы ўдзелу ў конкурсе:

- працягласць відэа не больш за 5 хвілін;
- відэа павінна адпавядаць тэматыцы конкурсу, гэта значыць пару слоў з біяграфіі святога і што-небудзь асаблівае (на вашую думку) з яго вучэння або дзейнасці;
- можна выкарыстоўваць розныя матэрыялы, малюнкі і фота (у канцы відэа неабходна ўказаць, адкуль быў узяты дадзены матэрыял);
- відэапрацы могуць быць агучаны на любой з трох моў: беларуская, польская ці руская;
- запісанае відэа неабходна адаслаць да 18 мая ўключна на адрас у ВК: https://vk.com/vitalisluka або на вайбер на нумар +375 29 850 58 54;
- пажадана, каб відэаматэрыял быў у фармаце mp4, AVI або MPEG.                                                       

Выканаўцы трох лепшых відэаролікаў будуць узнагароджаны прызамі.

Крытэрыі ацэнкі:

- адпаведнасць тэме конкурсу;
- арыгінальнасць ідэі;
- тэхніка і якасць выканання.

JM