Skip to main content

Вернікі шчучынскай парафіі дапамаглі мясцовай бальніцы

szcz 14 мая пробашч парафіі св. Тэрэзы Авільскай у Шчучыне а. Андрэй Агель SchP ад імя ўсіх вернікаў парафіі перадаў у мясцовую Цэнтральную раённую бальніцу санітарна-гігіенічныя камбінезоны.

Спецвопратку атрымалася закупіць дзякуючы сабраным у парафіі сродкам, адказваючы на Зварот Канферэнцыі Каталіцкіх Біскупаў у Беларусі аб зборы ахвяраванняў на барацьбу з пандэміяй каранавірусу.

Сродкі індывідуальнай абароны былі перададзеныя галоўнаму ўрачу Шчучынскай ЦРБ Івану Загароўскаму і намесніку галоўнага ўрача па медыцынскай частцы Людміле Чэхуновай.

А. Віталій Слука

Фота: Ганна Каспер