У парафіі св. Яна Паўла ІІ у Смаргоні адбылося заканчэнне навучальнага і катэхетычнага года 2019/2020.
Дзеці і моладзь, якія ўдзельнічалі ў катэхетычных занятках, падзякавалі Богу за Яго незлічоныя дары, дадзеныя ім.
Падчас Эўхарыстыі яны дзякавалі Пану таксама за сваіх бацькоў і настаўнікаў, якія займаюцца рэлігійным і чалавечым выхаваннем маладых парафіян, за іх працу і штодзённы клопат.
У гэты дзень дзеці і моладзь выказалі ўдзячнасць і пробашчу кс. Яўгену Учкуронісу за яго пастырскі клопат пра ўсіх сваіх парафіян, а асабліва за яго сэрца, заўсёды адкрытае на дзяцей і моладзь.
Словы шчырай удзячнасці яны адрасавалі сваёй катэхетцы с. Магдаліне Кулай CSCII, якая з вялікай руплівасцю стараецца дзяліцца з імі ведамі пра Бога, а таксама сведчаннем свайго жыцця і верай.
Кс. Юрый Марціновіч
