21 чэрвеня Генеральны вікарый Гродзенскай дыяцэзіі біскуп Юзаф Станеўскі адзначыў 25-годдзе з часу прэзбітэрскага пасвячэння ў сваёй роднай парафіі.
Урачыстую Імшу падзякі за ўсе атрыманыя ласкі і людзей, якіх яму дадзена было сустрэць на працягу гэтых гадоў, іерарх узначаліў у касцёле Найсвяцейшага Сэрца Пана Езуса і св. Язафата ў Заневічах (дэканат Вялікая Бераставіца). У гэтым касцёле 25 гадоў таму сённяшні дапаможны біскуп Гродзенскай дыяцэзіі цэлебраваў прыміцыйную Імшу.
На малітве сабраліся родныя біскупа на чале з яго маці і мясцовыя парафіяне.
У адрас юбіляра было выказана ў гэты дзень шмат цёплых слоў ад яго землякоў, якія лічаць сваёй прывілеяй і ласкай тое, што з іх невялікай парафіі паходзіць іерарх.
Кс. Юрый Марціновіч
