14 мая з нагоды сусветнага дня посту і малітвы аб спыненні пандэміі каранавірусу ў парафіі св. Міхала Арханёла ў Смаргоні адбылася адарацыя Найсвяцейшага Сакрамэнту, якая доўжылася ўвесь дзень.
На працягу дня святыню наведала шмат вернікаў, якія прыходзілі разам са сваімі дзецьмі. Усе маліліся перад выстаўленым Найсвяцейшым Сакрамэнтам ў інтэнцыі выбаўлення ад эпідэміі.
У гэты дзень па ініцыятыве Высокага камітэту па чалавечым братэрстве людзі розных веравызнанняў і рэлігій ва ўсім свеце аб’ядналіся ў супольнай малітве Богу Стварыцелю аб спыненні эпідэміі, падмацоўваючы свае просьбы постам і ўчынкамі міласэрнасці.
Далучыцца да гэтай ініцыятывы католікаў заклікаў Папа Францішак, а таксама біскуп Гродзенскі Аляксандр Кашкевіч.
Кс. Юрый Марціновіч
Фота: с. Ірына Барцэвіч FMA
