14 чэрвеня ў парафіі св. Міхала Арханёла ў Смаргоні адбылася прыміцыйная Імша а. Аляксея Марыі Юхневіча OFMConv.
Новапрэзбітэр прыбыў у парафію па запрашэнні салезіянаў, якія служаць у ёй.
У Імшы ўдзельнічалі мясцовыя парафіяне і бацькі а. Юхневіча. На заканчэнне малады святар удзяліў усім прысутным прыміцыйнае благаслаўленне.
Айцец Аляксей Марыя Юхневіч OFMConv прыняў прэзбітэрскае пасвячэнне 23 мая ў сваёй роднай парафіі ў Івянцы (Мінска-Магілёўская архідыяцэзія). Пасвячэнне ўдзяліў дапаможны біскуп архідыяцэзіі Аляксандр Яшэўскі SDB.
Новапрэзбітэр належыць да Ордэна Братоў Меншых Канвентуальных (Францішканаў), уся ягоная манаская фармацыя праходзіла ў структурах ордэна ў Польшчы. З’яўляецца выпускніком Вышэйшай духоўнай семінарыі братоў францішканаў у Лодзі.
Айцец Аляксей Юхневіч быў прызначаны вікарыем гродзенскай парафіi Маці Божай Анёльскай (францішканская).
Кс. Юрый Марціновіч
