У парафіі святога Яна Паўла ІІ у Смаргоні адбыўся сямейны конкурс на лепшую творчую працу, звязаную з жыццём і дзейнасцю Вялікага Папы, з нагоды 100-гадовага юбілею яго нараджэння.
Сем’і парафіі актыўна паставіліся да гэтай справы, падрыхтаваўшы малюнкі, відэа, песню, вершы, асабістыя сведчанні.
У цэлым на конкурсе было прадстаўлена 26 творчых прац.
Галасаванне адбывалася ў два этапы: першы – праз інтэрнэт, другі – па меркаванні спецыялістаў (мастака, спецыяліста па відэа) і выбар лепшага верша па меркаванні вернікаў, якія не карыстаюцца інтэрнэтам.
Такім чынам былі вызначаны па два прызёры ў кожнай намінацыі:
малюнак: па выніках інтэрнэт-галасавання – Кірыл Цуканаў; па меркаванні мастака, настаўніка малявання Святланы Мусiк – сям’я Пятровых;
відэа і песня: па выніках інтэрнэт-галасавання – Кірыл Цуканаў; па меркаванні спецыяліста па відэа, Валерыя Дубіцкага з кампаніі «Аксіквідэа» – Вера Сінкевіч;
верш і апавяданне: па выніках інтэрнэт-галасавання – Людміла Беніцэвіч; па меркаванні парафіянаў, якія не карыстаюцца інтэрнэтам, – Рэгіна Белакапытава.
Усе ўдзельнікі атрымалі памятныя падарункі.
Арганізатары віншуюць пераможцаў і шчыра дзякуюць усім, хто ўзяў актыўны ўдзел у конкурсе, паказаўшы гэтым сваю любоў да Бога і ўдзячнасць Яму за жыццё і сведчанне веры св. Яна Паўла ІІ. Таксама арганізатары заахвочваюць наследаваць прыклад веры Вялікага Папы і яго сведчанне любові да Бога і бліжняга.
С. Магдаліна Кулай CSCII
