У дыяцэзіяльным выдаўніцтве выйшлі дзве кнігі: “Шлях да прабачэння” Уільяма А. Мэнінджэра OCSO і “Зараз важны толькі Ён” (абодва выданні – на рускай мове).
Кніга Уільяма А. Мэнінджэра, амерыканскага бенедыкціна са шматгадовай душпастырскай практыкай, усведамляе нам, што прабачэнне – гэта дарога, працэс, а не аднаразавы акт. Дае парады, як прайсці гэтую дарогу, і вылучае яе этапы. Як сродак прапануе медытацыйную і сузіральную малітвы.
“Зараз важны толькі Ён” – гэта гісторыі людзей, якія на пэўным этапе жыцця спаткалі Бога. Некаторыя з іх з’яўляюцца выбітнымі постацямі, аднак мала хто ведае пра іх духоўнае пераўтварэнне. Гісторыі зваротаў, апісаныя ў гэтай кнізе, вельмі блізкія сучаснаму чалавеку. У іх бачна, як гэтыя людзі шукалі адказу на хвалюючыя іх душу пытанні, а таму сустрэлі Бога. З той пары для іх важны толькі Ён.
