Дыяцэзіяльная сустрэча супрацоўнікаў службы аховы здароўя

14 мая ў Гродне адбудзецца дыяцэзіяльнае спатканне супрацоўнікаў службы аховы здароўя.

Душпастырства ўрачоў дзейнічае ў нашай дыяцэзіі ўжо тры гады. Кожную трэцюю нядзелю яго ўдзельнікі збіраюцца а 16-й гадзіне ў Пабрыгіцкім касцёле на супольнай Эўхарыстыі, пасля якой маюць час на размовы і цікавыя тэмы ў цёплай, прыязнай атмасферы. Душпастырства – гэта не толькі супольная малітва, але і экскурсіі ў Польшчу, і пілігрымкі як у беларускія, так і польскія санктуарыі, і цікавае правядзенне часу з Богам.

Сёлета з нагоды 20-годдзя ўстанаўлення дыяцэзіі адбудзецца дыяцэзіяльная сустрэча супрацоўнікаў службы аховы здароўя, якая распачнецца ў гродзенскай катэдры супольнай Эўхарыстыяй пад кіраўніцтвам кс. бпа Аляксандра Кашкевіча.

Праграма сустрэчы:

09.00 – св. Імша ў катэдральнай базыліцы пад кіраўніцтвам кс. біскупа Аляксандра Кашкевіча

10.00 – Пераезд у абласную клінічную бальніцу (“Пышкі”)

11.00 – Прывітанне
    - сп. Савіцкі Cвятаслаў Эдуардавіч, галоўны ўрач Гродзенскай абласной клінічнай бальніцы
    - Яго Эксцэленцыя Ксёндз Біскуп Аляксандр Кашкевіч, Біскуп Гродзенскі

11.30 – 1-ы рэферат “Хрысціянскі светапогляд і фарміраванне біямедыцынскай этыкі”
(кс. праф. др Станіслаў Важэшак, Універсітэт кардынала Стэфана Вышынскага, Варшава)

12.15 – 2-гі рэферат “Задачы і выклікі для ўрача-хрысціяніна ў XXI стагоддзі”
    (канд. мед.навук сп. Рамана Драбік, Германія)

13.00 – Перапынак на каву

13.15 – 3-ці рэферат “Псеўдалячэнне неакультаў і акультызму і іх уплыў на духоўнае жыццё”

14.00 – Абед

15.00 – Канцэрт Гродзенскай філармоніі

15.45 – 4-ты рэферат “Сітуацыя супрацоўнікаў службы аховы здароўя ў Беларусі”
    (урач сп. Аляксандр Цыліндзь, Гродна)

16.15 – Дыскусія

17.00 – Падвядзенне вынікаў і заканчэнне канферэнцыі