13-14 красавіка навучэнцы Вышэйшай духоўнай семінарыі ў Гродне на чале з прэфектам кс. Андрэем Лішко прынялі ўдзел у спаборніцтвах па валейболе, якія праходзілі ў Вільнюсе (Літва) паміж камандамі семінарыстаў з розных куткоў Прыбалтыкі.
Незабыўна цёплая атмасфера панавала падчас мерапрыемства, на якім будучыя святары мелі магчымасць падзяліцца паміж сабой уласным досведам перажывання паклікання. У выніку спаборніцтваў беларуская каманда заняла першае месца сярод семінарыйных супольнасцяў з Рыгі, Вільнюса і Каўнаса.
Семінарыйная супольнасць віншуе навучэнцаў з перамогай і жадае далейшых поспехаў у рэалізацыі спартыўных здольнасцяў, якімі адарыў іх Бог.
Яўген Амасёнак, семінарыст