18 сакавіка ў касцёле Божай Міласэрнасці (Вішнявец) у Гродне адбыўся дабрачынны кірмаш, які падрыхтавалі і правялі супрацоўнікі і валанцёры дабрачыннага каталіцкага таварыства “Карытас” Гродзенскай дыяцэзіі.
На кірмашы былі прадстаўлены сувеніры велікоднай тэматыкі, якія стваралі валанцёры дабрачыннай арганізацыі і выхаванцы дамоў-інтэрнатаў са сваімі выхавальнікамі. Парафіяне маглі набыць да надыходзячага свята прыгожыя вырабы ручной працы, віншавальныя паштоўкі, дэкаратыўныя свечкі, печыва.
На апошнім тыдні Вялікага посту супрацоўнікі “Карытас” плануюць адрасна наведаць дзяцей са шматдзетных сем’яў і дзяцей, якія маюць праблемы са здароўем. Частка сродкаў з праведзеных акцый будзе накіравана на падтрымку самотных і патрабуючых у межах “Мабільнай дапамогі”.
Усім вернікам, якія прынялі ўдзел у дабрачыннай акцыі, супрацоўнікі “Карытас” складаюць падзяку.
Наталля Вішнеўская