8 лістапада ў пабрыгіцкім касцёле адбыўся Дзень засяроджання ордэнскіх сясцёр, якія працуюць у нашай дыяцэзіі. Падчас духоўных практыкаванняў кожная з сясцёр мела магчымасць малітоўнага чування ў цішыні перад Найсвяцейшым Сакрамэнтам, а таксама паяднання з Езусам у споведзі. А. Казімір Янджэйчак OMI звярнуўся да прысутных з канферэнцыяй “Сакрамэнт паяднання ў жыцці ордэнскіх сясцёр”. Урачыстую св. Імшу ўзначаліў а. Раман Катлімоўскі, а з казаннем на тэму веры і растропнасці ў ордэнскім жыцці звярнуўся да прысутных а. др Юзаф Макарчык OFM Сonv.
