Днём 5 ліпеня ў Нацыянальны санктуарый Маці Божай Будслаўскай на агульнабеларускі фэст пачалі прыбываць першыя пілігрымы. Сярод іх удзельнікі пешай пілігрымкі з Ліды, якая прыйшла сюды пасля дзевяцідзённага шляху, пераадолеўшы 250 км.
Разам з пілігрымамі з Гродзеншчыны ўвайшоў у Будслаў каад’ютар Гродзенскай дыяцэзіі біскуп Уладзімір Гуляй.
Перад уваходам у базыліку пілігрымаў сустрэў і прывітаў пробашч будслаўскай парафіі кс. Дзмітрый Дубовік.
Прэс-служба Гродзенскай дыяцэзіі