У апошні час біскуп Гродзенскі Аляксандр Кашкевіч здзейсніў шэраг персанальных змен святароў, якія служаць у Гродзенскай дыяцэзіі.
Сустрэўшыся індывідуальна з кожным святаром, іерарх падзякаваў за ранейшае служэнне і ўдзяліў благаслаўленне на спаўненне новых адказных душпастырскіх абавязкаў.
Дэкрэты аб сваіх першых прызначэннях атрымалі таксама два неапрэзбітэры, якія нядаўна прынялі сакрамэнт пасвячэння.
Прадстаўляем інфармацыю аб новых прызначэннях.
Ксёндз Уладзіслаў Малышка, неапрэзбітэр, прызначаны вікарыем катэдральнай парафіі св. Францішка Ксаверыя ў Гродне (дэканат Гродна-Усход).
Ксёндз Павел Шэмет, неапрэзбітэр, прызначаны вікарыем парафіі св. Міхала Арханёла ў Ашмянах (Ашмянскі дэканат).
Ксёндз Віталій Внароўскі вызвалены ад абавязкаў пробашча парафіі Унебаўзяцця Найсвяцейшай Панны Марыі ў Адэльску (дэканат Гродна-Захад) і прызначаны душпастырам Гродзенскай абласной бальніцы.
Ксёндз канонік Віктар Мыслюк прызначаны пробашчам парафіі Унебаўзяцця Найсвяцейшай Панны Марыі ў Адэльску (дэканат Гродна-Захад).
Ксёндз Алег Кудэрка вызвалены ад абавязкаў душпастыра Гродзенскай абласной бальніцы і прызначаны архіварыусам Гродзенскай курыі, застаючыся пры гэтым вікарыем парафіі Адшукання Святога Крыжа ў Гродне (дэканат Гродна-Захад).
Ксёндз Антоні Адамовіч вызвалены ад абавязкаў вікарыя парафіі Найсвяцейшай Тройцы ў Індуры (дэканат Гродна-Захад) і прызначаны вікарыем парафіі Найсвяцейшай Панны Марыі Вастрабрамскай Маці Міласэрнасці ў Гродне (дэканат Гродна-Захад).
Ксёндз Томаш Мікалайчык вызвалены ад абавязкаў вікарыя катэдральнай парафіі св. Францішка Ксаверыя ў Гродне (дэканат Гродна-Усход) i прызначаны вікарыем парафіі Найсвяцейшай Тройцы ў Індуры (дэканат Гродна-Захад).
Ксёндз Ян Варанецкі вызвалены ад абавязкаў вікарыя парафіі Беззаганнага Зачацця Найсвяцейшай Панны Марыі ў Гродне (дэканат Гродна-Захад) i прызначаны вікарыем катэдральнай парафіі св. Францішка Ксаверыя ў Гродне (дэканат Гродна-Усход).
Ксёндз Ян Кузюк вызвалены ад абавязкаў вікарыя парафіі Найсвяцейшай Панны Марыі Вастрабрамскай Маці Міласэрнасці ў Гродне (дэканат Гродна-Захад) i прызначаны вікарыем парафіі Беззаганнага Зачацця Найсвяцейшай Панны Марыі ў Гродне (дэканат Гродна-Захад).
Ксёндз Эрнэст Мікалайчык вызвалены ад абавязкаў вікарыя парафіі св. Міхала Арханёла ў Ашмянах (Ашмянскі дэканат) і прызначаны вікарыем парафіі Адшукання Святога Крыжа ў Гродне (дэканат Гродна-Захад).
Ксёндз Дзмітрый Малец вызвалены ад абавязкаў вікарыя катэдральнай парафіі св. Францішка Ксаверыя ў Гродне (дэканат Гродна-Усход) i прызначаны вікарыем парафіі св. Яна Паўла ІІ у Смаргоні (Смаргонскі дэканат).
Ксёндз Андрэй Каўшук вызвалены ад абавязкаў вікарыя парафіі Адшукання Святога Крыжа ў Гродне (дэканат Гродна-Захад) i прызначаны вікарыем парафіі святых апосталаў Пятра і Паўла ў Іўі (Іўеўскі дэканат).
Ксёндз доктар Юрый Павайба вызвалены ад абавязкаў рэзідэнта парафіі Унебаўзяцця Найсвяцейшай Панны Марыі і св. Язафата Кунцэвіча ў Сапоцкіне (Сапоцкінскі дэканат) i прызначаны рэзідэнтам парафіі Найсвяцейшай Панны Марыі Вастрабрамскай Маці Міласэрнасці ў Гродне (дэканат Гродна-Захад).
Прэс-служба Гродзенскай дыяцэзіі
