19 студзеня ў Беларусі адзначаецца Дзень ратавальніка. З гэтай нагоды ў Іўеўскім раённым аддзеле па надзвычайных сітуацыях адбылося ўрачыстае мерапрыемства. Падзяліць святочны настрой прыйшлі як родныя і блізкія працаўнікоў аддзела, так і ветэраны пажарнай службы.
Сярод прысутных быў таксама пробашч парафіі святых апосталаў Пятра і Паўла кс. Ян Гавецкі, які павіншаваў ратавальнікаў з прафесійным святам, пажадаў менш надзвычайных сітуацый, як на працы, так і дома, моцнага здароўя і сілы духу.
Супрацоўнікі Іўеўскага РАНС ужо не ўпершыню запрашаюць святара на сваё прафесійнае свята. Так, напярэдадні Дня пажарнай службы Беларусі яны распачалі святкаванне з удзелу ў Імшы ў касцёле.
Раман Ярмош
