На пачатку студзеня падчас зімовых канікул у дыяцэзіяльным санктуарыі Маці Божай Каралевы нашых сем’яў у Тракелях адбыліся рэкалекцыі для дзяўчат з парафіі Святой Сям’і ў Лідзе.
Дзяўчаты пад кіраўніцтвам с. Хелены Пляхімовіч з Кангрэгацыі Дачок Марыі Беззаганнай даручылі новы год Божай Маці і прасілі, каб ён быў багаты на благаслаўленне і ласку.
Падчас гэтых дзён дзяўчаты вучыліся будаваць адносіны з Богам на малітве і адарацыі Найсвяцейшага Сакрамэнту. Быў таксама час навучыцца выконваць хатнія абавязкі – яны супольна рыхтавалі пасілкі.
Кожную хвіліну ўдзельніцы праводзілі разам на малітве, забаве, знаёмстве з мясцовасцю. Малітоўная атмасфера і прыгожае наваколле спрыялі таму, каб яны маглі засяродзіцца над сваім жыццём і паглыбіць духоўнасць.
Удзельніцы сустрэчы вельмі ўдзячныя сястры Хелене за ўсе парады і словы, адрасаваныя ім падчас канферэнцыі, а кусташу санктуарыя кс. доктару Юрыю Бяганскаму – за гасціннасць і адкрытасць сэрца.
Кс. Юрый Марціновіч