3 лютага міністр замежных спраў Беларусі Уладзімір Макей і міністр замежных спраў Літвы Лінас Лінкявічус наведалі касцёл Найсвяцейшай Тройцы ў Гервятах.
Наведванне святыні адбылося падчас афіцыйнага двухдзённага візіту літоўскага міністра ў Беларусь. Пробашч парафіі ў Гервятах пазнаёміў гасцей з багатай гісторыяй неагатычнага касцёла, які называюць беларускім Нотр-Дамам.
Міністры паклалі кветкі на месцы пахавання кс. Леаніда Несцюка, шматгадовага пробашча парафіі, дзякуючы старанням якога святыня і прылеглая тэрыторыя былі прыгожа адноўлены. Таксама яны зрабілі запіс у памятнай кнізе ў парафіі.
Міністр замежных спраў Літвы прынёс у гервяцкім касцёле “вотум” удзячнасці Богу, які будзе змешчаны на цудатворным абразе Найсвяцейшай Тройцы.
Кс. Юрый Марціновіч
Фота: www.grodnonews.by
