25 студзеня ў катэдральнай базыліцы св. Францішка Ксаверыя ў Гродне адбыўся “Канцэрт для Езуса”. Такім чынам наймалодшыя парафіяне развіталіся з каляднай батлейкай у сваёй святыні.
Кожны юны ўдзельнік святочнага мерапрыемства падрыхтаваў падарунак для Езуса.
Дзеці праслаўлялі Пана калядкамі, вершамі, малюнкамі і ігрой на музычных інструментах. Кожнага ўдзельніка чакаў прыемны прыз.
На заканчэнне канцэрту вікарый катэдральнай парафіі кс. Алег Канановіч звярнуўся да прысутных са словам.
