15 студзеня ў Карэлічах (Навагрудскі дэканат) ушанавалі благаслаўлёнага Эўзэбія, заснавальніка Закону паўлінаў, у 750-годдзе яго смерці.
Урачыстасць адбылася ў месцы, якое з’яўляецца беларускай калыскай Закону святога Паўла, Першага Пустэльніка, дзе па сённяшні дзень працуюць паўліны.
У святыні сабраліся шматлікія парафіяне, дабрадзеі і сябры паўлінаў, каб супольна аддаць Богу хвалу за Яго справы і пастаянную прысутнасць у гісторыі Закону паўлінаў.
Благаслаўлёны Эўзэбій адыграў рашаючую ролю ў заснаванні Закону.
Пасланніцтва паўлінаў, іх характар, духоўнасць і душпастырская дзейнасць фарміраваліся на працягу стагоддзяў, але сам пачатак заклаў своеасаблівыя і пастаянныя рысы аблічча гэтай супольнасці.
Традыцыя перадае пра Эўзэбія вельмі сціплыя звесткі, бо крыніцы, якія датычаць пачаткаў гісторыі ордэну, былі знішчаны па прычыне турэцкіх нашэсцяў. Пазнейшыя летапісцы прысвячаюць свайму айцу і настаўніку шмат увагі.конная трады
Прынята лічыць, што Эўзэбій быў толькі заснавальнікам Закону паўлінаў, бо пра яго духоўнасць і характар распавядаюць самі пустэльнікі, якія згодна з яго натхненнем утварылі першую ераміцкую супольнасць.
Пустэльнікі мелі найперш вялікую любоў да сузірання Бога ў самотнасці, ведучы суровае жыццё, што выражалася ў рэалізацыі хрысціянскага пакаяння. Эўзэбію ўдалося захаваць гэтыя каштоўнасці ў новым стылі кляштарнага жыцця. Ён адыграў вырашальную ролю ва ўтварэнні духоўнасці і характару ордэну.
Эўзэбій памёр 20 студзеня 1270 г. у няпоўныя 70 гадоў, у 24-ы год свайго пустэльніцка-законнага жыцця і 20-ы год служэння ў якасці настаяцеля.
Кс. Юрый Марціновіч