4 студзеня пры парафіі Найсвяцейшага Адкупіцеля ў Гродне (Дзевятоўка) адбылася аплаткавая сустрэча шанавальнікаў Маці Божай з гары Кармэль і тых, хто носіць святы шкаплер.
Малітоўная група паўстала два гады таму па ініцыятыве айцоў кармэлітаў, якія раз у месяц арганізуюць фармацыйныя сустрэчы яе членаў.
Падчас аплаткавай сустрэчы а. Аляксандр Стока OCD падзякаваў усім шанавальнікам Найсвяцейшай Панны Марыі з гары Кармэль за іх штодзённае сведчанне веры, якое яны нясуць свету і свайму асяроддзю. Святар пажадаў, каб новы 2020 год быў багатым на Божае благаслаўленне, а апека Марыі заўсёды спадарожнічала ўсім.
Kс. Юрый Марціновіч
