Дабрачынная група “Уваскрасенне” Душпастырства студэнтаў і старэйшай моладзі “OPEN” пад кіраўніцтвам кс. каноніка Антонія Грэмзы ў Міжнародны дзень інвалідаў наведала дзяцей з карэкцыйнага цэнтра для дзяцей з асаблівасцямі развіцця ў Гродне.
У межах сустрэчы дзеці, нягледзячы на цяжкасці ў сваім развіцці, паказалі ўласныя таленты. Праз прыгожы спеў і вершыкі яны пацвердзілі, што, хоць маюць такія абмежаванні, але здольныя, як усе іншыя, функцыянаваць і ісці праз жыццё.
Дабрачынная група “Уваскрасенне” ўжо шмат гадоў супрацоўнічае з гэтым цэнтрам для “асаблівых” дзяцей.
У межах супрацоўніцтва яна арганізуе свята для іх з нагоды Міжнароднага дня дзіцяці і з іншых нагодаў.
Кс. Юрый Марціновіч
