Новая капліца ў Хадзілонях

У мясцовасці Хадзілоні парафіі Узвышэння Святога Крыжа ў Першамайску дзякуючы намаганням кс. проб. Ігара Анісімава, а таксама многіх добразычлівых і шчырых людзей, паўстала новая капліца. Яе будынак быў перададзены парафіі мясцовай уладай. Дагэтуль вернікі маліліся ў невялікім доме, які ўжо немагчыма было адрамантаваць.

5 чэрвеня кс. бп Аляксандр Кашкевіч асвяціў новую капліцу. У гэты ж дзень падчас св. Імшы 43 вернікі прынялі сакрамант бежмавання. Св. Імшу суправаджаў прыгожы спеў, а моладзь прымала вельмі актыўны ўдзел у літургіі. Ксёндз біскуп сказаў, што новая капліца – гэта асаблівы дом, які напоўнены Святым Духам. Падчас св. Імшы з гаміліяй звярнуўся да вернікаў кс. Раман Катлімоўскі, які падкрэсліў, што “не рамонты ствараюць супольнасць і надаюць бляск святыням, але перад усім – жывы чалавек”. Ён дадаў таксама, што зараз у гэтым супольным Божым Доме – “сонечны бляск дароў Святога Духа” і “напоўненыя Божай цеплынёй сэрцы”.

Напрыканцы  літургіі Пастыр нашай дыяцэзіі звярнуўся да моладзі з пажаданнем, каб яна надалей несла свой вялікі скарб веры. Ксёндз біскуп адзначыў, што “сённяшняя ўрачыстасць – вельмі важная, таму што мы з’яўляемся сведкамі вялікай гісторыі і нясём гэты дар веры па ўсёй гродзенскай зямлі”.

Моладзь і парафіяне падзякавалі Ксяндзу біскупу, а таксама свайму пробашчу за абвяшчэнне Божай навукі. У гэты дзень можна было заўважыць вялікае малітоўнае засяроджванне вернікаў і іх радасць з нагоды паўстання асаблівага месца, дзе яны могуць штодня збірацца на супольнай малітве. Варта адзначыць, што дзякуючы намаганням кс.пробашча супольнасць адраджаецца.

Вельмі вымоўным зяўляецца факт, што капліца, асвечаная ў год Божай Міласэрнасці, носіць імя Божай Міласэрнасці.

У 20-годдзе паўстання дыяцэзіі давайце будзем маліцца за тое, каб на яе тэрыторыі надалей паўставалі новыя касцёлы і капліцы.

Пастыр нашай дыяцэзіі звярнуўся да моладзі з пажаданнем, каб яна надалей несла свой