Дзеці з гродзенскай парафіі Св. Юзафа, якія ў гэтым годзе першы раз прынялі святую Камунію, здзейснілі пілігрымку падзякі ў санктуарый Гродзенскай дыяцэзіі Маці Божай Каралевы нашых сем’яў у Тракелях.
У гэтым прыгожым санктуарыі, дзе Марыя асаблівым чынам благаслаўляе ўсе сем’і, дзеці дзякавалі за дар Першай святой Камуніі. Таксама яны дзякавалі за сваіх бацькоў, якія перадалі ім скарб веры, і даручылі Найсвяцейшай Маці сваю будучыню.
Стоячы перад цудадзейным абразом Панны Марыі, дзеці абяцалі, што будуць старацца, каб у іх сэрцах заўсёды прысутнічаў Езус Хрыстус, якога яны туды запрасілі падчас урачыстасці Першай Камуніі.
Дзеці вярнуліся дадому, узбагачаныя Божым благаслаўленнем і ўмацаваныя ў веры.
Kс. Юрый Марціновіч
