Перыяд Божага Нараджэння – найцудоўнейшы ў годзе час. Нашы вочы цешацца прыгажосцю аздабленняў, вушы – цудоўнымі калядкамі, мы атрымліваем станоўчы ўплыў на нашы эмоцыі дзякуючы настрою, віншаванням, блізкасці любячых людзей і адчуванню супольнасці. У гэты час няма недахопу ў батлейках і ўзаемных віншаваннях.
Таксама ў парафіі Свв. апосталаў Пятра і Паўла ў Старых Васілішках (Шчучынскі дэканат) кульмінацыяй ужо мінулых святаў стала батлейка. Яна была падрыхтавана дзецьмі, якія змаглі стварыць адпаведную атмасферу і наблізіць шматлікім прысутным у святыні вернікам момант прыйсця ў свет Сына Божага. Батлейку суправаджаў спеў калядак.
Прадстаўленне было ацэнена вернікамі, якія былі ўдзячныя дзецям за тое, што яны падарылі ім радасць і дапамаглі стаць больш чулымі на Бога, які жадае нарадзіцца ў кожным чалавечым сэрцы.
Kс. Юрый Марціновіч
