25 лістапада, ва ўрачыстасць Езуса Хрыста, Валадара Сусвету, біскуп Гродзенскі Аляксандр Кашкевіч наведаў дыяцэзіяльны санктуарый Маці Божай Каралевы нашых сем’яў у Тракелях (Воранаўскі дэканат).

У святыні іерарх узначаліў Імшу ў інтэнцыі ўсіх, хто ўтварае парафіяльную супольнасць у Тракелях, атачаючы малітвамі таксама ўсіх пілігрымаў, якія наведваюць гэты санктуарый.

Біскуп адзначыў, што ўрачыстасць Хрыста Валадара з’яўляецца нагодай, каб аднавіць свае адносіны з Богам, які жадае валадарыць у сэрцы кожнага чалавека. Іерарх заклікаў углядацца ў Крыж Езуса, з якога Ён валадарыць і прыцягвае ўсіх да сябе.

У гэты дзень у галоўным алтары касцёла быў асвечаны новы табэрнакулюм.

Кусташ санктуарыя кс. Юрый Бяганскі падзякаваў біскупу за супольную малітву і пастырскае благаслаўленне, якое ён удзяліў усім прысутным на Эўхарыстыі.

Іерарх пажадаў, каб Божая ласка спадарожнічала душпастыру і вернікам гэтай супольнасці, каб яны маглі як мага лепш падрыхтавацца да 25-й гадавіны абвяшчэння парафіяльнай святыні ў Тракелях санктуарыем Гродзенскай дыяцэзіі, якая будзе адзначацца ў наступным годзе.

Kс. Юрый Марціновіч