З 1 па 3 красавіка ў рэкалекцыйным цэнтры ў Сапоцкіне адбылася чарговая сустрэча, у якой прынялі ўдзел 26 міністрантаў дыяцэзіі і іншых хлопцаў, якія імкнуцца распазнаць сваё пакліканне.Апекуном сустрэчы быў св. Юзаф Егіпецкі. Пасля прагляду фільма пра гэтага Святога адбылася дыскусія, падчас якой хлопцы абмяркоўвалі постаці стужкі. Было таксама шмат малітвы, адарацыя Найсвяцейшага Сакраманту, ружанец з разважаннямі паводле думак Слугі Божага Яна Паўла II у інтэнцыі яго беатыфікацыі. Хлопцы праслухалі некалькі канферэнцый, у тым пра Божыя запаведзі і пра тое, што прыўносіць святар у сённяшняе грамадства. Усё гэта было для іх чарговым крокам да распазнання свайго жыццёвага паклікання.
Сустрэчу суправаджалі прыязная атмасфера, моладзевы энтузіязм і спевы.
