Беларускі хрысціянскі гурт Laudans прадставіў кліп на кампазіцыю «Удзячнасць», якая ўвойдзе ў новы альбом «Звязаны з часам». Новы альбом дуэт плануе выпусціць сёлета ўвосень.
Гурт Laudans – беларускі хрысціянскі дуэт, які грае ў стылі рок, поп, джаз, электронная музыка. Дуэт актыўна выступае ў нашай краіне і за мяжой. Сваім спевам ён упрыгожвае між іншым касцёльныя ўрачыстасці на тэрыторыі Гродзенскай дыяцэзіі.
Гурт выступаў, напрыклад, у парафіі Св. Міхала Арханёла ў Міхалішках (Астравецкі дэканат), а таксама ў апошні час на ўрачыстасці асвячэння касцёла ў Свіслачы (дэканат Вялікая Бераставіца).
Такім чынам удзельнікі гурта Андрэй Лугін (вакал, рытм-гітара) і Алёна Палачанская (сінтэзатар) дзеляцца сваёй верай і тым, як кожны дзень яе перажываюць.
Заахвочваем пазнаёміцца з новым кліпам:
Kс. Юрый Марціновіч
