Згодна з пастановай біскупа Гродзенскага Аляксандра Кашкевіча, кожную нядзелю пасля святой Імшы вернікі Гродзенскай дыяцэзіі будуць прамаўляць спецыяльную малітву ў інтэнцыі І Сінода Гродзенскай дыяцэзіі.
Гэтая малітва з’яўляецца просьбай, скіраванай да Бога, каб Сінод прынёс плёны перамянення і ажыўлення рэлігійнага жыцця сярод вернікаў дыяцэзіі. У малітве гучыць заклік аб асаблівым заступніцтве Найсвяцейшай Панны Марыі, Маці Міласэрнасці, галоўнай Апякункі Гродзенскай дыяцэзіі, св. Казіміра і св. Максімільяна – другарадных апекуноў дыяцэзіі, а таксама благаслаўлёных, якія паходзяць з тэрыторыі Гродзенскай дыяцэзіі.
Вернікі заахвочваюцца да таго, каб прамаўляць гэтую малітву таксама дома, каб такім чынам падтрымаць ёю працу Сінода і духоўных і свецкіх асобаў, якія будуць у ім удзельнічаць.
І Сінод Гродзенскай дыяцэзіі пачнецца 16 лістапада ў катэдральным касцёле св. Францішка Ксаверыя ў Гродне. Ён будзе праходзіць пад дэвізам “Жыць Евангеллем”.
Беларуская версія
МАЛІТВА
Ў ІНТЭНЦЫІ І СІНОДА ГРОДЗЕНСКАЙ ДЫЯЦЭЗІІ
Божа, Адзіны ў Святой Тройцы, з’яднаныя ў супольнасці гродзенскага Касцёла, мы хочам разам вырушыць у дарогу, каб добра падрыхтаваць і плённа перажыць першы дыяцэзіяльны сінод.
Просім Цябе, Ойча, поўны міласэрнасці, напоўні нас сваёй праўдай, любоўю і супакоем, каб мы верна здзяйснялі Твой план збаўлення чалавецтва, былі адкрытыя на дар актыўнага супрацоўніцтва ўсіх вернікаў дыяцэзіі.
Просім Цябе, Езу, Сыне Жывога Бога, каб мы заўсёды з вялікай пакорай і даверам распазнавалі знакі часу ў святле Евангелля, будуючы супольнасць нашай дыяцэзіі паводле Твайго вобразу.
Заклікаем Цябе, Дух Святы Жыватворца, каб мы, напоўненыя Тваімі дарамі, аднавілі і ажывілі супольнасць гродзенскага Касцёла ў еднасці з Паўсюдным Касцёлам.
Марыя, Маці Міласэрнасці, Апякунка Гродзенскай дыяцэзіі, вядзі нас і падтрымлівай у сінадальнай пілігрымцы веры!
Святы Казіміру, маліся за нас!
Святы Максімільяне Марыя Кольбэ, маліся за нас!
Бласлаўлёныя сёстры мучаніцы з Навагрудка, маліцеся за нас!
Бласлаўлёны Генрыху Глябовіч, маліся за нас!
Бласлаўлёная Мар’яна Бярнацкая, маліся за нас!
Польская версія
MODLITWA
W INTENCJI I SYNODU DIECEZJI GRODZIEŃSKIEJ
Boże w Trójcy Świętej Jedyny, zgromadzeni we wspólnocie grodzieńskiego Kościoła pragniemy razem wyruszyć w drogę, aby dobrze przygotować i owocnie przeżyć I Synod Diecezjalny.
Prosimy Cię, Ojcze pełen miłosierdzia, napełnij nas swoją prawdą, miłością i pokojem, abyśmy wiernie realizowali Twój zbawczy plan ludzkości otwarci na dar aktywnej współpracy wszystkich diecezjan.
Błagamy Cię, Jezu, Synu Boga Żywego, abyśmy zawsze z wielką pokorą i ufnością odczytywali znaki czasu w świetle Ewangelii, budując wspólnotę naszej diecezji na Twój obraz.
Wzywamy Cię, Duchu Święty Ożywicielu, abyśmy napełnieni Twoimi darami odnowili i ożywili wspólnotę Kościoła grodzieńskiego w jedności z całym Kościołem Powszechnym.
Maryjo, Matko Miłosierdzia, Patronko diecezji grodzieńskiej, prowadź nas i wspieraj w synodalnej pielgrzymce wiary!
Święty Kazimierzu, módl się za nami!
Święty Maksymilianie, módl się za nami!
Błogosławione Siostry Męczennice z Nowogródka, módlcie się za nami!
Błogosławiony Henryku Hlebowiczu, módl się za nami!
Błogosławiona Marianno Biernacka, módl się za nami!
Wszyscy Święci i Błogosławieni ziemi grodzieńskiej, módlcie się za nami!
Кс. Юрый Марціновіч
