6 чэрвеня ў Клюшчанах (Астравецкі дэканат) пажар знішчыў святыню амаль з 300-гадовай гісторыяй. Як распавядае пробашч парафіі св. Яўхіма кс. Анатолій Захарэўскі, “раніцай людзі ўбачылі моцнае вогнішча праз акно і паведамілі аб здарэнні ў МНС. Але выратаваць касцёл, на жаль, не ўдалося”. На дадзены момант прычына пажара высвятляецца.

Святар звяртаецца да дыяцэзіян з просьбай агарнуць малітвай парафію і людзей, якія засталіся без святыні.

Касцёл у Клюшчанах пабудаваны ў 1726 годзе. Быў зачынены ў 1948 годзе, у 1990 – вернуты i адбудаваны. У 1993 годзе – рэкансэкраваны.

Відэа паводле "Островецкая правда"

АP