Нядзельны ранак другога Дня моладзі распачаўся супольнай малітвай, пасля чаго вернікі мелі магчымасць прыняць удзел у катэхетычных сустрэчах, прысвечаных цнотам Марыі: пакоры, чысціні веры, надзеі, любові, служэнню і трываласці.
Моладзь падзялілася на сем груп, у кожнай з якой святары набліжалі вернікам постаць Марыі і заклікалі следаваць Яе прыкладу. З кожнай катэхезы былі выдзелены асноўныя тэзісы.
1. Дом – гэта Марыя, а фундамент дома - гэта Слова Божае.
2. Маці Божая паверыла аднойчы і больш не адходзіла ад сваёй веры. Так і мы павінны трымацца рэлігіі.
3. Марыя – гэта апошняя надзея чалавека.
4. Дзе Марыя - там неба. Варта звяртацца да Яе ў цяжкіх момантах жыцця і Яна напэўна давядзе да збаўлення.
5. Покора – гэта аснова ўсіх цнотаў. Яна ціхая і сціплая. Яна атуляе сваёй цеплынёй.
6. Важна захоўваць не толькі фізічную, але і духоўную чысціню.
7. Марыя ішла побач з Хрыстом і служыла Яму ажно да самай смерці. Так і нас яна ніколі не пакіне.
Пасля катэхетычных заняткаў моладзь абыграла вышэйзгаданыя тэзісы ў міні-сцэнках.
Тэкст: Вікторыя Бурч
Фота: Вольга Сяліцкая
