23 красавіка парафіяльны хор дарослых і моладзева-дзіцячы гурт „Эмануіл” парафіі Божага Цела ў Крамяніцы павіншвалі са святам Вялікадня жыхароў дому кругласутачнага знаходжання ў в. Мадзейкі.
Бабулі і дзядулі вельмі цешыліся пачуць радаснае "Хрыстос уваскрос!". Шмат пазітыўных эмоцый падарылі дарослыя, дзеці і моладзь жыхарам гэтага дома, паказваючы, што шчырая ўсмешка, прысутнасць іншага чалавека і сардэчныя пажаданні - гэта найпрыгажэйшы дар, які можна ахвяраваць бліжняму.
Cпадзяемся, што спевы, танцы і вершы пра ўваскрослага Пана раз'яснілі штодзённую самотнасць і ўлілі надзею на шчаслівую будучыню.
с. Марына Сакач CSC