5 сакавіка Апостальскі Нунцый у Беларусі арцыбіскуп Габар Пінтэр у межах свайго прабывання ў Гродне наведаў Каложскую царкву і запаліў там свечку.
Ля ўваходу ў храм прадстаўніка Папы сустрэў праваслаўны архіепіскап Гродзенскі і Ваўкавыскі Арцемій, які запрасіў Нунцыя наведаць святыню. Арцыбіскупа Габара Пінтэра суправаджалі біскуп Гродзенскі Аляксандр Кашкевіч і дапаможны біскуп Гродзенскай дыяцэзіі Юзаф Станеўскі.
Падчас наведвання старадаўняй царквы, якая з’яўляецца архітэктурным помнікам, Апостальскага Нунцыя пазнаёмілі з яе багатай гісторыяй. Прадстаўнік Святога Айца падзякаваў праваслаўным за магчымасць наведаць такі цудоўны храм, які сапраўды з’яўляецца візіткай горада Гродна.
Кс. Юрый Марціновіч
