На мінулых выходных у шчучынскай парафіі айцоў-піяраў падвялі вынікі навучальнага году для моладзі з літургічнай службы алтара і хору "Каласанс". На сустрэчу былі запрошаны і бацькі маладых вернікаў. Сем'і сабраліся на Эўхарыстыі, падчас якой маліліся адзін за аднаго.
Пасля св. Імшы ўсе сабраліся на супольны пасілак каля вогнішча. Айцы-піяры арганізавалі для прысутных розныя конкурсы і забавы.
Падчас сустрэчы былі абраныя найлепшыя міністрант і харыстка году. Імі сталі Дзмітрый Лабач і Юлія Кройтар.
Традыцыйна ўсім выпускнікам уручылі сімвалічныя сувеніры.
На заканчэнне ўсіх чакаў сюрпрыз - у неба запусцілі феерверкі, завяршаючы чарговы душпастырскі год.
Тэкст: а. Віталь Слука SP
Фота: Віталь Варонік і Анастасія Галец
