20 сакавіка ў Пальмовую нядзелю ў піярскай парафіі імя Унебаўзяцця НПМ у Лідзе (мк-р Індустрыяльны) падчас св. Імшы а 11.30 адбыўся конкурс для дзяцей на самую вялікую і прыгожую пальму. Праводзячы гэты конкурс, журы звяртала ўвагу на тое, каб вербачка была арыгінальна ўпрыгожанай і каб аздобы былі зробленыя менавіта ўласнымі рукамі.
У сувязі з тым, што некалькі дзяцей з парафіі на мінулым тыдні святкавалі свой дзень нараджэння, згодна з існуючай традыцыяй у яны пачаставалі ласункамі ўсіх прысутных дзяцей пасля заканчэння св. Імшы.
Тэкст: а. Аляксандр Махнач
Фота: Маргарыта Снапко
