Сёлета на 27-ай міжнароднай Парафіядзе футбалісты з каманды Гродна-Аўгустувак у катэгорыі "Gimnazium" занялі 2-ое месца. Маладыя гродзенскія вернікі змагаліся з 8-ю камандамі, якіх прадставіла моладзь з Польшчы, Беларусі, Гішпаніі і Германіі.
Спачатку каманда з Гродна ў трох матчах у сваёй катэгорыі перамагла каманду з Міхожава (Польшча) з лікам 6:0; Гішпанію з лікам 3:1 і каманду Гродна-Вішнявец з лікам 4:0.
У паўфінале Гродна-Аўгустувак у жорсткай барацьбе перамагла каманду з Познані (Польшча): галоўны час гульні скончыўся вынікам 1:1, a падчас пенальці мацнейшымі аказаліся гульцы з Гродна - 5:4.
Матч за першае месца для каманды Гродна-Аўгустувак таксама быў насычаны эмоцыямі. Галоўны час гульні скончыўся вынікам 1:1. I зноў вырашальнымі былі галы з пенальці. На гэты раз перамога была за камандай з Лясковай (Польшча) - 3:1.
Найбольшую колькасць галоў забіў Арцём Пакачайла з парафіі Гродна-Аўгустувак. Яго вынік - 10 галоў.
Кс. Артур Малафей
