II дзень парафіяды моладзь паспаборнічала ў 8-мі спартыўных дысцыплінах і 13-ці канкурэнцыях. Сёння таксама былі падведзены вынікі, хто быў лепшы ў гульнях па футболе, валейболе, настольным тэнісе, бадмінтоне, кіданні мяча, бегу, скоках у даўжыню з разбегу або шашках.
Моладзь дзень распачала з ранішняй малітвы і св. Імшы ў парафіі Беззаганнага Зачацця Найсвяцейшай Марыі Панны.
Спаборніцтвы праводзіліся на прафесійных спартыўных аб’ектах Цэнтральнага спартыўнага комплекса “Неман”.
А пасля дзесяткі “жоўтых маек” рассыпаліся па ўсім спорткомплексе. У лабірынце калідораў складаней было знайсці гульцоў у шашкі, якія размясціліся ў зале ўнутры аднаго з будынкаў спартыўнага аб'екта.
Узровень фізічнай падрыхтоўкі ўдзельнікаў часам магчыма было параўнаць з прафесійнымі гульцамі. Хто ведае, можа калі-небудзь з гэтай моладзі выйдуць прафесійныя спартоўцы?
Напрыканцы дня адбылося ўрачыстае ўзнагароджванне пераможцаў некаторых спартыўных конкурсаў. Пасля вячэры дзеці і моладзь вярнуліся на начлег у пар. Гродна-Паўднёвы.
А потым танцы, гульні… нават не верылася, што гэтыя дзеці амаль цэлы дзень удзельнічалі ў спартыўных спаборніцтвах.
Вынікі будуць дададзены пазней
Падрызтавала Марына Белаблоцкая
Фотаздымкі Баляслава Гавецкага
