6-га красавіка горад на Нёманам наведалі госці са Злучаных Штатаў Амерыкі. Апоўдні, ў катэдры св. Францішка Ксаверыя, разам з Гродзенскімі іерархамі, яны маліліся на св. Імшы.
У Беларусь з душпастырскім візітам прыехаў Джэфры Манфортан біскуп з г. Стубенвіль (штат Агаё), які з'яўляецца членам спецыяльнай камісіі да спраў дапамогі Касцёлу ў Цэнтральнай і Усходняй Еўропе.
Разам з біскупам таксама наведаў Гродна Вінцэнт Бус - намеснік дырэктара аддзела Канферэнцыі Біскупаў ЗША да спраў дапамогі Касцёлу ў Цэнтральнай і Усходняй Еўропе.
Св. Імшу ўзначаліў кс. біскуп Аляксандр Кашкевіч, ардынарый Гродзенскай дыяцэзіі.
Дапаможны біскуп, Юзаф Станеўскі, прамовіў гамілію, у якой зыходзячы з Евангельсканга фрагменту аб ўваскрашэнні Езусам Лазара, падкрэсліў, што смерцю не скончыцца наша жыццё, бо Езус паказаў гэта сваю ўладу над смерцю ўваскрашаючы свайго сардэчнага сябра: “Я – уваскрасенне і жыццё. Хто верыць у Мяне, калі нават і памрэ, будзе жыць.”
Марына Белаблоцкая
