Выпускнікі школ Ашмянаў адзначылі выпускны баль вельмі прыгожым чынам. Перад тым, як распачалася свецкая імпрэза, парадна апранутыя школьнікі разам з настаўнікамі і бацькамі сабраліся ў касцёле, каб падчас урачыстай святой Імшы падзякаваць Богу за свае школьныя гады.
Маладыя ашмянцы маліліся ў інтэнцыях за сваіх бацькоў, настаўнікаў, выхавацеляў, катэхетаў – усіх, хто меў дачыненне да іх ўзрастання як асобаў і вучняў, да іх фізічнага, рэлігійнага і інтэлектуальнага выхавання.
Падчас Імшы святар Павел Паўлюкевіч маліўся таксама аб мудрым і разважлівым выбары далейшага жыццёвага шляху для моладзі.
На заканчэнні Еўхарыстыі выпускнікі атрымалі ўрачыстае святарскае благаслаўленне на новы этап свайго жыцця.
Глядзіце далучаныя фота.
