Біскуп Кашкевіч прывітаў пілігрымаў незадоўга да ўваходу ў тракельскі санктуарый

7 ліпеня біскуп Гродзенскі Аляксандр Кашкевіч прывітаў пілігрымаў, якія накіроўваюцца на адпустовыя ўрачыстасці ў дыяцэзіяльны санктуарый Маці Божай Каралевы нашых сем’яў у Тракелях.

Іерарх сустрэў пілігрымаў у дарозе, калі яны, абпаленыя летнім сонцам, з радасцю і энтузіязмам пераадольвалі апошнія кіламетры на шляху да Маці Божай.

Пастыр Касцёла на Гродзеншчыне падзякаваў ім за сведчанне веры і вялікую адвагу, з якой яны вырушылі ў гэты шлях.

Біскуп папрасіў пілігрымаў аб малітве ў інтэнцыі новых пакліканняў да служэння ў Хрыстовым Касцёле, а таксама малітве за святароў і асобаў кансэкраванага жыцця.

У канцы сустрэчы з кожнай групай пілігрымаў іерарх удзяляў ім пастырскае благаслаўленне.

Прэс-служба Гродзенскай дыяцэзіі