6 красавіка, у Вялікі чацвер, у парафіі св. Юрыя ў Варнянах (Астравецкі дэканат) павялічылася супольнасць міністрантаў.
На Імшы Вячэры Пана ў літургічную службу алтара было прынята 6 хлопцаў. Пробашч парафіі кс. Віктар Захарэўскі благаславіў комжы новых міністрантаў.
Іх жаданне прыслужваць падчас Эўхарыстыі ля алтара было адказам на любоў Бога. Хлопцы рыхтаваліся стаць міністрантамі праз супольныя сустрэчы, малітву і забавы.
Разам са святаром яны вывучалі як тэорыю, так і практыку, знаёміліся з асновамі служэння ля алтара.
Прэс-служба Гродзенскай дыяцэзіі
