Курыя Гродзенскай дыяцэзіі са смуткам паведамляе, што 10 сакавіка на 85-м годзе жыцця адышла ў вечнасць Гэлена Станеўская, мама Мітрапаліта Мінска-Магілёўскага арцыбіскупа Юзафа Станеўскага.
Пахавальная Імша адбудзецца 13 сакавіка ў 12.00 у касцёле Імя Найсвяцейшай Панны Марыі i св. Яна Непамука ў Вялікіх Эйсмантах (Бераставіцкі дэканат).
Ад імя супрацоўнікаў сродкаў масавай інфармацыі Гродзенскай дыяцэзіі хочам выказаць арцыбіскупу Юзафу і ўсёй сям’і Станеўскіх словы шчырага жалю, спачування і падтрымкі ў сувязі са смерцю блізкага чалавека.
Яднаемся з іерархам і яго роднымі ў малітве, падзяляючы боль і смутак. Няхай міласэрны Бог дасць сілы, каб перажыць цяжар страты. Вечны супакой для памерлай!
