6-7 студзеня ў Вышэйшай духоўнай семінарыі ў Гродне адбылася сустрэча для юнакоў.
На сустрэчы хлопцы разважалі пра моцную веру Абрагама. Яны разам прыйшлі да высновы, што няўпэўненасць, якую адчуваў ён, паспрыяла ўзрастанню яго веры і большаму даверу Богу.
Удзельнікі разважалі і пра тое, што нараджэнне кожнага чалавека да веры нялёгкае, яно таксама здзяйсняецца ў выніку выпрабаванняў і цяжкасцяў, у выніку ўнутранага спусташэння, у сітуацыях пагрозы і адсутнасці апірышча.
У межах сустрэчы юнакі адаравалі Пана Езуса ў Найсвяцейшым Сакрамэнце і мелі магчымасць пазнаёміцца з тым, як адбываецца фармацыя семінарыстаў.
На рэкалекцыях хлопцам дапамагаў у разважаннях духоўны айцец семінарыі кс. Ян Сарэла, які выступіў з канферэнцыямі для іх.
Прэс-служба Гродзенскай дыяцэзіі
