4 лістапада, падчас актавы малітваў за памерлых, у парафіяльным касцёле святых Космы і Дам’яна ў Астраўцы адбылася Імша ў інтэнцыі спачылых святароў.
У Эўхарыстыі ўдзельнічалі біскуп Гродзенскі Аляксандр Кашкевіч і духавенства Астравецкага дэканату.
На пачатку літургіі былі зачытаны імёны і прозвішчы памерлых святароў і сясцёр законных. Пасля Імшы біскуп Аляксандр разам з духавенствам і вернікамі памаліўся каля магіл святароў, якія спачываюць каля астравецкага касцёла.
Прэс-служба Гродзенскай дыяцэзіі
Фота: Павел Мацкевіч
